Repaso sa Teokratikanhong Tunghaan sa Ministeryo

Ang mosunod nga mga pangutana pagatagdon nga binaba panahon sa Teokratikanhong Tunghaan sa Ministeryo sa semana nga magsugod sa Hunyo 30, 2003. Dumalahon sa magtatan-aw sa tunghaan ang 30-minutos nga repaso pinasukad sa materyal nga gikobrehan diha sa mga asaynment alang sa mga semana sa Mayo 5 hangtod sa Hunyo 30, 2003. [Matikdi: Kon walay mga reperensiya human sa pangutana, kinahanglang mohimo kag kinaugalingong panukiduki aron makaplagan ang mga tubag.​—Tan-awa ang Tunghaan sa Ministeryo, pp. 36-7.]

MGA HIYAS SA PAGPANULTI

1. Nganong hinungdanon ang modulasyon sa dihang magpakigpulong, ug sa unsang paagi kini mahimo? [be p. 111 kahon; p. 112 kahon]

2. Bisan pag ang mamumulong nagtuo sa iyang gipanulti ug nahigugma kang Jehova, nganong makulangan tingali siya ug kadasig? [be p. 115 mga par. 3-4; p. 116 par. 1]

3. Unsay makatabang sa usa ka mamumulong sa pagpahayag sa pagkamainiton ug pagbati diha sa usa ka pakigpulong, ug nganong hinungdanon kini? [be p. 119 mga par. 1-4]

4. Unsay magtino sa nahiangay nga kadasig, kainit, ug uban pang mga emosyon nga ipahayag diha sa pakigpulong? [be p. 120 mga par. 2-5]

5. Matuod o Bakak: Ang mga kompas ug mga ekspresyon sa nawong hinungdanon lamang kon ang imong mamiminaw nagtan-aw kanimo. Ipatin-aw. [be p. 121 par. 3]

ASAYNMENT NUM. 1

6. Unsay nakatabang kang Josias sa pagpili sa hustong dalan bisan pa sa dili maayong panahon sa pagkabata? (2 Cron. 34:​1, 2) [w01 4/15 p. 27 mga par. 1-6; p. 28 par. 4]

7. Unsay kahulogan sa Proverbio 9:​7, 8a, ug sa unsang paagi kini mapadapat diha sa ministeryo sa kanataran? [w01 5/15 p. 29 mga par. 4-5]

8. Unsay gipasabot ni Jehova sa dihang siya miingon sa mga Israelinhon, ‘Ayaw gayod ninyo kalimti,’ ug sa unsang paagi malikayan natong dili mahikalimot? (Deut. 4:9; 8:11) [be p. 20 mga par. 1-3]

9. Sa unsang paagi ang sinserong mga pahayag ni David diha sa Salmo 32:​1, 5 ug sa Salmo 51:​10, 15 nagpakita nga ang usa ka tawo dili angayng mobating walay-kapuslanan human makahimog seryosong kasaypanan kon gipasundayag niya ang tiunay nga paghinulsol? [w01 6/1 p. 30 mga par. 1-3]

10. Unsay atong makat-onan bahin sa pag-atiman sa mga nanginahanglan sumala sa mga instruksiyon ni Pablo nga gilatid diha sa 1 Timoteo 5:3-16? [w01 6/15 p. 11 par. 1]

SENEMANANG PAGBASA SA BIBLIYA

11. Unsay gipunting ni Jesus sa dihang migamit siya sa terminong “ipanganak pag-usab,” sumala sa narekord sa Juan 3:3? [w95 7/1 pp. 9-10 mga par. 4-5]

12. Sa unsang paagi gigamit ni Jesus ang iyang edukasyon, ug unsang hinungdanong leksiyon ang atong makat-onan gikan niini? (Juan 7:15-18) [w96 2/1 pp. 9-10 mga par. 4-7]

13. Nganong ang Juan 7:53–​8:11 wala malakip sa pangunang teksto sa Bag-ong Kalibotang Hubad?

14. Sa unsang paagi si Jesus “mobalik sa samang paagi” sa iyang pagsaka sa langit? (Buhat 1:11) [w90 6/1 p. 11 par. 5]

15. Nganong “walay usa sa uban ang adunay kaisog sa pagduyog [sa mga tinun-an],” sumala sa giingon sa Buhat 5:13?