Eskedyul sa Tigom sa Pag-alagad
Semana sa Mayo 10
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Gamita ang mga sugyot sa panid 4 aron ipasundayag kon sa unsang paagi itanyag ang Mayo 15 nga Bantayanang Torre ug ang Mayo 22 nga Pagmata! Sa matag presentasyon, ipasundayag ang lahing paagi sa pagdumala sa tigsumpo sa panaghisgot nga “May kaugalingon akong relihiyon.”—Tan-awa ang librong Nangatarongan, mga panid 18-19.
15 min: Panaghisgot nga dumalahon sa magtatan-aw sa pag-alagad bahin sa mga punto diha sa “Pangutana.” Ipasiugda nga dili nato buot makahatag ug impresyon nga nangayog mga donasyon gikan sa publiko. Dasiga ang tanan diha sa kongregasyon nga bug-os paluyohan ang tibuok-kalibotang buluhaton pinaagig regular nga mga amot.
20 min: “Magpasangkad.”a Ilakip ang mga komento diha sa librong Simbaha ang Diyos, panid 150, parapo 14.
Awit 18 ug paniklop nga pag-ampo.
Semana sa Mayo 17
10 min: Lokal nga mga pahibalo.
15 min: “Ipakita ang Imong Pagkamapasalamaton.”b Segun sa itugot sa panahon, dapita ang mamiminaw sa pagkomento sa gisitar nga mga teksto. Sa dihang hisgotan ang parapo 3, pakomentoha ang usa o duha nga nag-oksilyare payunir di pa dugay mahitungod sa mga panalangin nga ilang nasinatian pinaagi sa pagbuhat niana.
20 min: Kita Nahingawa sa Usag Usa. (1 Cor. 12:25, 26) Pakigpulong ug panaghisgot sa mamiminaw nga binase sa librong Atong Ministeryo, mga panid 157-9, ilalom sa sub-ulohang “Kabalaka Alang sa Usag Usa.” Bisan tuod ang katawhan ni Jehova nagpuyo sa tanang bahin sa kalibotan, kita suod nga nahiusa. Kitang tanan angayng mag-ampo alang sa atong mga igsoon matag adlaw. Kita usab mosanong dayon sa pagtaganag materyal nga tabang sa dihang motungha ang dinaliang mga panginahanglan. Basaha ug hisgoti ang yawing mga teksto, ug ilakip ang usa o duha ka kasinatian gikan sa atong mga publikasyon.
Awit 100 ug paniklop nga pag-ampo.
Semana sa Mayo 24
12 min: Lokal nga mga pahibalo. Taho sa kuwenta. Ipasundayag kon sa unsang paagi itanyag ang Hunyo 1 nga Bantayanang Torre ug ang Hunyo 8 nga Pagmata! Ipahiuyon ang matag presentasyon aron makadani sa tawo nga iya sa lokal nga relihiyon.
15 min: “Ang Musika nga Makapalagsik.” Pakigpulong ug panaghisgot sa mamiminaw. Ilakip ang mga komento diha sa 2002 Tinuig nga Basahon, panid 175, ug sa Pebrero 1, 1997, Bantayanang Torre, panid 27, mga parapo 1-2. Dapita ang pagtagad ngadto sa kataposang punto ubos sa Mga Pahibalo bahin sa Kingdom Melodies No. 9 sa audiocassette.
18 min: Magmaandam sa Di-Pormal nga Pagsangyaw. Pakigpulong ug panaghisgot sa mamiminaw pinasukad sa Hunyo 2003 nga Atong Ministeryo sa Gingharian, panid 3. Hikaya daan ang pipila nga moasoy ug mga kasinatian nga ilang nabatonan sa dihang nagsangyaw sa di-pormal nga paagi. Sa mubo ipasundayag kon sa unsang paagi ang tract nga Gusto Ka Bang Makabaton ug Dugang Kahibalo Bahin sa Bibliya? ug ang pulyeto nga Good News for All Nations magamit sa dihang magsangyaw sa di-pormal nga paagi.
Awit 211 ug paniklop nga pag-ampo.
Semana sa Mayo 31
8 min: Lokal nga mga pahibalo. Pahinumdomi ang mga magmamantala sa paghatag sa mga taho sa pag-alagad sa kanataran sa Mayo.
17 min: Kinabuhi—Usa ka Gasa nga Kinahanglang Ampingan. Panaghisgot sa mamiminaw pinasukad sa librong Nangatarongan, mga panid 25-6. Ilakip ang mga komento sa Mayo 22, 1993, Pagmata! mga panid 10-11. Unsaon nimo pagpatin-aw ang panglantaw ni Jehova bahin sa aborsiyon ngadto sa usa ka tawo nga nagtuo nga ang usa ka babaye adunay katungod sa paghukom bahin sa mga butang nga makaapektar sa kaugalingon niyang lawas? Iasoy ang kasinatian diha sa Enero 1, 2000, Bantayanang Torre, panid 4, mga parapo 4-5.
20 min: “Pagtanyag sa Pagkakat-on Gikan sa Dakong Magtutudlo.” Sa Hunyo atong itanyag kining publikasyona. Ipunting ang mga punto nga gihubit diha sa panid 7, mga parapo 1-3, sa maong libro. Kuhaa ang mga komento gikan sa mamiminaw kon unsay ilang nagustohan bahin niana. Repasoha ang gisugyot nga mga presentasyon. Ipakita kon sa unsang paagi ipasiugda ang mga hulagway sa dihang itanyag ang libro. Ipasundayag sa usa ka batan-on ang unang presentasyon, ug sa usa ka hamtong ang usa sa duha ka lain pang presentasyon.
Awit 24 ug paniklop nga pag-ampo.
Semana sa Hunyo 7
10 min: Lokal nga mga pahibalo.
15 min: Lokal nga mga panginahanglan.
20 min: Gamita ang Epektibong mga Ilustrasyon sa Imong Pagpanudlo. Pakigpulong ug panaghisgot sa mamiminaw pinasukad sa Septiyembre 1, 2002, Bantayanang Torre, mga panid 22-4. Unsa ang upat ka butang nga makapahimong epektibo sa usa ka ilustrasyon? Nganong makatabang ang paghupot sa mga ilustrasyon nga yano? Asa man kita makakaplag ug epektibong mga ilustrasyon? Susiha ang pipila ka pananglitan diha sa kahon sa panid 23, ug hisgoti kon unsay makapahimo sa matag ilustrasyon nga epektibo.
Awit 133 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.