Eskedyul sa Tigom sa Pag-alagad
Semana sa Hunyo 13
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Gamita ang mga sugyot sa panid 8 (kon haom sa inyong teritoryo) aron ipasundayag kon sa unsang paagi itanyag ang Hunyo 15 nga Bantayanang Torre ug ang Hunyo 22 nga Pagmata! Mahimong gamiton ang ubang realistikong mga presentasyon. Sa usa sa mga presentasyon, ipasundayag ang pagtanyag sa mga magasin diha sa di-pormal nga kahimtang.
15 min: Tabangi ang Uban nga Mahimong Di-Bawtismadong mga Magmamantala. Pakigpulong ug panaghisgot kauban sa mamiminaw sa usa ka ansiyano pinasukad sa Organisado Aron Buhaton ang Kabubut-on ni Jehova, mga panid 79-81. Hisgoti ang kahikayan sa pagtino kon nakab-ot ba sa usa ka ginatun-an sa Bibliya ang Kasulatanhong mga kinahanglanon aron makapakigbahin sa pag-alagad sa kanataran kauban sa kongregasyon. Sa sunod semana atong hisgotan kon sa unsang paagi mabansay nato ang mga ginatun-an sa Bibliya nga kuwalipikado na ingong di-bawtismadong mga magmamantala sa pagsugod sa pagpakigbahin diha sa balay-balay nga ministeryo.
20 min: “Ang Pagsangyaw Makatabang Aron Kita Makalahutay.”a Dapita ang mamiminaw nga komentohan ang gisitar nga mga teksto segun sa itugot sa panahon.
Awit 149 ug paniklop nga pag-ampo.
Semana sa Hunyo 20
10 min: Lokal nga mga pahibalo. Repasoha ang pangunang mga punto gikan sa Hulyo 2003 nga Atong Ministeryo sa Gingharian, panid 4. Isaysay kon sa unsang paagi ang mga magmamantala makakuhag literatura sa langyaw nga pinulongan. Hisgoti kon sa unsang paagi kining impormasyona mapadapat diha sa lokal nga teritoryo. Ang bisan unsang hangyo alang sa langyaw-ug-pinulongan nga mga basahon kinahanglang ipaagi sa alagad sa literatura, bisag kini para lang sa usa ka buok, aron mabatonan ang gikinahanglang literatura nga dili malangan.
15 min: Ang Pulong sa Diyos Gamhanan. (Heb. 4:12) Pakigpulong nga gipasukad sa Nobyembre 15, 2003, Bantayanang Torre, panid 11, mga parapo 13-17. Iasoy ang mga kasinatian nga nagpakita kon sa unsang paagi ang kahibalo sa Bibliya makatukmod sa mga tawo sa paghimog mga kausaban sa ilang paagi sa pagkinabuhi. (w00 1/1 pp. 3-5) Dasiga ang tanan sa paggamit gayod sa Bibliya sa tanang bahin sa ministeryo.
20 min: “Pagdumalag Mauswagong mga Pagtuon sa Bibliya—Bahin 9.”b Sa dihang hisgotan ang parapo 2, ipasiugda ang usa o duha ka punto gikan sa Disyembre 2004 nga Atong Ministeryo sa Gingharian, panid 8. Ilakip ang mubong pasundayag sa usa ka pagtuon sa Bibliya. Human matun-i ang leksiyon 2 sa brosyur nga Gikinahanglan, ang nagdumala sa pagtuon mangutana sa ginatun-an: “Sa unsang paagi ikapatin-aw nimo sa usa ka higala kon unsay ngalan sa Diyos?” Ang ginatun-an moingon nga iyang gamiton ang Salmo 83:18, nga human niana dayegon siya sa nagdumala sa pagtuon.
Awit 208 ug paniklop nga pag-ampo.
Semana sa Hunyo 27
10 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Hunyo. Basaha ang taho sa kuwenta ug ang mga pasalamat sa donasyon. Ginamit ang gisugyot nga mga presentasyon sa panid 8 (kon haom sa inyong teritoryo), ipasundayag kon sa unsang paagi itanyag ang Hulyo 1 nga Bantayanang Torre o ang Hulyo 8 nga Pagmata! Mahimong gamiton ang laing realistikong presentasyon. Human sa pasundayag, isulti pag-usab ang pasiunang mga komento nga gigamit aron mapukaw ang interes sa tagbalay.
15 min: Lokal nga mga panginahanglan.
20 min: Itanyag ang mga Brosyur sa Hulyo ug Agosto. Pakigpulong ug panaghisgot kauban sa mamiminaw nga gipasukad sa pasukip. Isaysay kadiyot kon sa unsang paagi gamiton ang pasukip, nga ipasiugda ang kahon sa panid 3 uban sa pangunang mga punto gikan sa Enero 2005 nga Atong Ministeryo sa Gingharian, panid 8. Hisgoti ang mga sugyot nga haom sa lokal nga teritoryo alang sa pagtanyag sa mga brosyur sa unang mga duaw. Ipasundayag ang duha o tulo ka presentasyon. Gamita ang batabata nga magmamantala bisan sa usa lang ka pasundayag.
Awit 196 ug paniklop nga pag-ampo.
Semana sa Hulyo 4
10 min: Lokal nga mga pahibalo.
15 min: Aduna ba Kamoy Eskedyul sa Pamilya? Repasoha ang mga sugyot diha sa pasukip sa Mayo 2005 nga Atong Ministeryo sa Gingharian, ug dapita ang mamiminaw nga komentohan ang ilang pagpaningkamot sa pagpadapat sa mga sugyot ug ang mga kaayohan nga ilang naangkon sa pagbuhat niana.
20 min: “Epektibong Pagsangyaw Diha sa Publikong mga Dapit.”c Ipahayag kon sa unsang paagi mapadapat diha sa lokal nga teritoryo. Pahinumdomi ang mga magmamantala sa paggamit sa porma nga Please Follow Up (S-43) kon nahiangay.—Tan-awa ang Pebrero 2005 nga Atong Ministeryo sa Gingharian, p. 6.
Awit 120 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.