ELASAR

Usa ka gingharian o siyudad nga giharian ni Ariok sa panahon ni Abraham ug Lot. (Gen 14:1) Si Haring Ariok sa Elasar miduyog sa kasundalohan ni Haring Amrapel sa Sinar, Kedorlaomer sa Elam, ug Tidal sa Goiim sa pagpakiggubat sa mga hari sa mirebelde nga mga siyudad-estado (Sodoma, Gomora, Adma, Zeboiim, ug Bela, o Zoar) sa Ubos nga Patag sa Sidim, o sa Dagat sa Asin. Giparot ang mga rebelde, ug si Lot, nga niadtong panahona nagpuyo sa Sodoma, gibihag ug gidala paingon sa A. Apan, si Abram (Abraham), kauban ni Mamre, Aner, ug Escol nga iyang mga kaabin, nakaapas sa nag-usa nga kasundalohan sa upat ka hari didto sa Dan. Didto siya nagpakalagiw kanila, nga nagluwas kang Lot ug sa katawhan ug nagbawi sa mga manggad.​—Gen 14:1-16, 24.

Ang tinong paglangkit sa karaang Elasar uban sa nailhan karon nga dapit naghatag gihapon ug problema sa mga tigdukiduki.