OHOLA

[Ang Iyang Tolda [sa Pagsimba]].

Ang Ezequiel kapitulo 23 naghulagway sa Samaria (nga naghawas sa napulo-ka-tribong gingharian sa Israel) ingong ang pampam nga si Ohola, ang magulang nga babaye ni Oholiba, nga naghawas sa Jerusalem (ang gingharian sa Juda). Ang pagtukod sa napulo-ka-tribong gingharian ug kaugalingong mga sentro sa pagsimba lagmit mao ang gipasabot sa ngalang Ohola nga nagkahulogang “Ang Iyang Tolda [sa Pagsimba].” Ang iyang espirituwal nga pagpamampam nagsugod sa Ehipto ug nagpadayon sa Yutang Saad. Sa ulahing katuigan kini naglakip sa iyang pagtinguhag pabor sa mga Asiryanhon ug sa iyang makauulaw nga idolatrosong mga buhat, apil ang paghalad ug mga bata. Tungod sa iyang pagkadili-matinumanon, si Jehova nagtugyan kang Ohola (ang amihanang gingharian) ngadto sa mga kamot sa mga Asiryanhon nga iyang mga hinigugma.