OHOLIBA

[Ang Akong Tolda [sa Pagsimba] Anaa Kaniya].

Sa Ezequiel kapitulo 23, ang pagkadili-matinumanon sa Jerusalem kang Jehova gihulagwayan sa usa ka pampam nga si Oholiba. Ang kahulogan sa ngalang Oholiba lagmit nagpasabot nga ang tolda o sangtuwaryo ni Jehova anaa sa iyang teritoryo. (Itandi ang OHOLA.) Apan, inay pabilhan kini ug hinumdoman ang silot nga midangat sa iyang igsoong babaye nga si Ohola (Samaria) tungod sa pagkadili-matinumanon niini, gipadayon ni Oholiba dili lamang ang iyang pagkamaluibon nga nagsugod sa Ehipto kondili gilabwan pa niya ang pagkamananapaw sa iyang igsoong babaye. Hilabihan gayod ang iyang gihimong idolatriya ug nalangkit sa politika uban sa mga Asiryanhon ug sa mga Babilonyanhon. Busa ang kanhi niyang mga hinigugma, ang mga Babilonyanhon, gitagna nga motungas batok kaniya ug himoon siya nga usa ka butang nga “kalisangan.”