Pangutana

◼ Angay bang ibutang ang atong personal nga e-mail address sa literatura nga atong ipanagtag?

Gibutang sa pipila ka magmamantala ang ilang e-mail address diha sa mga magasin ug tract nga ilang ipanagtag. Dayon kadtong nakadawat sa literatura makahimo na sa pagkontak sa magmamantala aron makakuhag dugang impormasyon. Dili man hinuon sayop ang maong motibo sa pagtabang sa mga interesado. Hinunoa, ang atong Web site gisulat na diha sa kataposang panid sa atong mga magasin ug tract. Busa, labing maayo nga dili na nato ibutang ang atong e-mail address diha sa literatura.

Ang magmamantala nay mag-igo kon mohatag ba siyag dugang impormasyon pinaagig pagsulat niana sa laing papel kon unsaon siya pagkontak, ilabina aron sa pagbalikduaw. Kita ang angayng mangitag paagi sa pagkontak sa mga interesado inay pasagdan sila nga maoy mokontak kanato alang sa dugang impormasyon. Kon personal kitang mobalikduaw kanila, atong gipakita nga kita interesado gayod kanila.