Kon Unsay Isulti Bahin sa mga Magasin

Ang Bantayanang Torre Okt. 1

“Ang mga eksperto nag-ingon nga hinungdanon ang papel sa amahan diha sa pamilya. Unsa kahay himoon sa usa aron mahimo siyang maayong amahan? [Patubaga.] Gipasiugda ni Jesus kon sa unsang paagi nakatabang kaniya ang ehemplo sa iyang Amahan. [Basaha ang Juan 5:19.] Kining artikuloha naghisgot ug unom ka hinungdanong bahin sa papel sa amahan.” Ipakita ang artikulo sugod sa panid 18.

Pagmata! Okt.

“Ang mga tawo sa lainlaing relihiyon dili managsamag panglantaw bahin sa Diyos. Giunsa man Siya pagpaila sa Anak sa Diyos? Matikdi ang mga pulong ni Jesus sa Juan 4:24. [Basaha.] Kining duha ka panid nga artikulo naghisgot sa tubag sa Bibliya sa pangutanang, ‘Unsa man gayod ang Diyos?’” Ipakita ang artikulo sa panid 24 ug 25.

Ang Bantayanang Torre Nob. 1

“Naglibog ang mga tawo kon nganong paantoson sa usa ka mahigugmaong Diyos ang daotang mga tawo sa impiyerno sa walay kataposan. Unsay hunahuna nimo bahin niini? [Patubaga.] Tin-aw ang gitudlo sa Bibliya nga ang Diyos dili daotan ni mapanimaslon. [Basaha ang Ezequiel 18:23.] Magustohan gayod nimo ang giingon sa Bibliya bahin niini nga gihisgotan niining magasina.”

Pagmata! Nob.

“Ang mga tawo naghunahuna nga ang pagkainila, pagkadato, o pagbatog awtoridad maoy timailhan sa kalamposan. Unsay imong ikasulti bahin niini? [Patubaga.] Matikdi kon unsay gisulti sa Bibliya nga makatabang aron molampos ang usa. [Basaha ang Salmo 1:1-3.] Kining artikuloha naghisgot ug unom ka butang nga maoy yawi sa kalamposan.” Ipakita ang artikulo sugod sa panid 6.