TUN-ANAN 11

Kadasig

Roma 12:11

SUMARYO: Dasiga ang imong mamiminaw pinaagi sa pagsulti nga may kadasig.

Ilangkit ang imong kasingkasing. Samtang mangandam sa imong bahin, hunahunaa pag-ayo ang kaimportante sa imong mensahe. Tun-i pag-ayo ang imong materyal aron makapahayag ka gikan sa imong kasingkasing.
Hunahunaa ang imong mamiminaw. Palandonga kon sa unsang paagi ang uban makabenepisyo sa impormasyon nga imong basahon o itudlo. Hunahunaa kon unsaon nimo pagpresentar ang impormasyon sa paagi nga mas maapresyar kini sa imong mamiminaw.
Hatagig kinabuhi ang imong pagsulti. Sulti nga may kadasig. Seguroa nga natural ang imong pagkompas ug sinsero ang imong ekspresyon sa nawong aron ipakita ang imong pagbati.

Pag-amping nga dili mabahin ang atensiyon sa imong mamiminaw pinaagi sa pagbalikbalik sa samang kompas. Paneguroa nga ang imong pagkompas makatabang nga masabtan ang imong gisulti. Sulti nga may kadasig ilabina dihang magtudlog pangunang mga punto ug dihang magdasig sa imong mamiminaw nga ipadapat ang nakat-onan. Aron dili kapoyon ang imong mamiminaw, likayi nga sa tibuok nimong bahin sobra kaayo ang imong kadasig sa pagsulti.