Met Ewe Paipel A Apasa?

Met weween Armaketon?

Ekkóch aramas ra lúkú . . .

pwe epwe ina atun katalóón fénúfan ren kensi pakutang are tatakkisilóón pwúkún masouen fénúfan ren aramas. Nge en, met óm ekiek?

Paipel a apasa

Armaketon ina eú “maun lon ewe rän mi lap än Kot ewe mi Unusen Manaman,” ewe epwe maunei ekkewe aramas mi ngaw.—Pwärätä 16:14, 16.

Met sia pwal tongeni káé seni Paipel?

• Kot epwe wisen maun lón ewe maunen Armaketon esap ren an epwe ataieló ei fénúfan, nge epwe fen túmúnú seni talóón ren aramas.​—Pwärätä 11:18.

• Ewe maunen Armaketon epwe áwesaaló ekkewe maun meinisin.​—Kölfel 46:8, 9.

Mi tufich ach sipwe kúna manaw atun ewe maunen Armaketon?

Met kopwe apasa?

• Ewer

• Aapw

• Neman

Paipel a apasa

“Eu mwich mi fokun chocho,” seni ekkewe mwú meinisin repwe manawewu seni “ewe riaföü mi lapalap,” ewe epwe muchúló ren ewe maunen Armaketon.​—Pwärätä 7:9, 14.

Met sia pwal tongeni káé seni Paipel?

• Kot a mochen pwe chómmóng aramas repwe manawewu seni lón Armaketon. I a chék asopwisekin nieló ekkewe aramas mi ngaw.​—Isikiel 18:32.

• Paipel a áiti ngenikich ifa usun sia tongeni manawewu seni lón Armaketon.​—Sefanaia 2:3.