Met Sipwe Apasa Usun Ekkewe Puk
Ewe Leenien Mas April 2010
“Atun aramas ra esissil ika iö a kon iteüöch lon uruwoon aramas, chommong ra apasa pwe Jises. Pwal ina usun meefiom? [Aüseling ngeni meefian.] Nengeni pwata sipwe etittina än aramas ekiek mi sokkofesen usun Jises pwe sipwe silei ewe enlet. [Älleani Jon 17:3.] Ei Leenien Mas mi kkolo aüchean a affata met Paipel a wesewesen apasa usun Jises me an kewe afalafal.”
Ewe Leenien Mas April 2010
“Ekkoch sou mak ra apasa pwe Jises ese mälo usun met Paipel a apasa, nge ra erä pwe a pwüpwülü me a wor nöün. Ka pwal rong ena? [Aüseling ngeni meefian.] A fokkun lamot sipwe silei enletin ei pworaus. [Älleani Jon 17:3.] Ei puk a affata ewe popun sipwe lükü met ewe Paipel a apasa usun Jises.”
Ewe Leenien Mas May 2010
“Ka lükü pwe Paipel ewe Kapasen Kot, are ka ekieki pwe ina chök eü puk mi mürinnö? [Aüseling ngeni meefian.] Nengeni met ewe Paipel a apasa. [Älleani 2 Timoti 3:16, 17.] Ei puk a äweweei ifa usun sipwe tongeni silei pwüngün ei pworaus me pwata a lamot ngenikich.”
Ewe Leenien Mas May 2010
Älleani Ekistos 20:15. Mwirin apasa: “Lap ngeni aramas ra sotuni le älleasochisi ei allük, nge ekkoch ra ekieki pwe esor ngawen ach sipwe solä me föri ekkewe föfför ese wenechar ika sia osupwang. Met meefiom? [Aüseling ngeni meefian.] Ei puk a äweweei ekkewe feiöch sipwe angei ika sia wenechar.” Menlapei ewe pworaus a poputä lon pekin taropwe 12.