Met Sipwe Apasa Usun Ekkewe Leenien Mas

Ewe Leenien Mas February 2011

“Chommong aramas ra lükü pwe pworausen ewe tänipiin Ichen, tutulap chök. Kese mäirü le silei pwe Atam me If, iir wesewesen aramas me ren Jises? [Aüseling ngeni meefian. Mwirin, älleani Mattu 19:4-6.] Ei Leenien Mas epwe pölüweni ekkewe kapas eis aramas ra kan äkkeäni usun ewe tänipiin Ichen.”

Ewe Leenien Mas February 2011

“Chommong aramas ra meefi pwe Kot a chchüngü aramas meinisin, nge ese chchüngü emön me emön. Met meefiom? [Aüseling ngeni meefian.] Nengeni mwo met än Kot we kapas a apasa usun ena. [Älleani Kölfel 149:4.] Ei Leenien Mas epwe älisikich le küna pwe ewe Chon Förikich a wesewesen chchüngü emön me emön leich.”

Ewe Leenien Mas March 2011

“Ikenäi, a fokkun chöüfetäl ewe mettoch mufesen. Nge met meefiom, met popun a fiffis ena? [Aüseling ngeni meefian.] Nengeni ei kapasen emmwen a mmen älillisöch ngeni ekkewe pean pwüpwülü. [Älleani 1 Korint 10:24.] Ei Leenien Mas a äweweei wonu osukosuk ekkewe mwän pwüpwülü me fin pwüpwülü ra eäni, me a pwal affata ifa usun ar apwönüetä än Paipel kewe kapasen emmwen a tongeni älisiir.”

Ewe Leenien Mas March 2011

“Ikenäi chommong aramas ra ekieki pwe a weires ar repwe küna pwapwa lon famili. Me reom, met epwe älisi aramas le küna pwapwa lon ar pwüpwülü? [Aüseling ngeni meefian, me älleani Föför 20:35.] Ei Leenien Mas epwe äweweei ifa usun än aramas apwönüetä ei esin kapasen emmwen seni Paipel a tongeni älisiir le küna pwapwa lon pwüpwülü.”