Alamota Ekkewe Magazine Minen Lóóm

Pokiten ekkewe magazine esap tongeni lamot ngeni emén ika sia chék isoni are maneló, iwe sipwe fen sótun anéúnéú. Eú magazine a tongeni efisi án emén pwapwaiti ewe enlet me amwékútú an epwe poputá le kékkéri iten Jiowa we. (Rom 10:13, 14) Ikkeei ekkóch kapasen emmwen ren ach sipwe alamota ekkewe magazine minen lóóm.

• Atun sia afalafal ikewe sise kon akkafalafal ie, eli sia tongeni likitatiw eú magazine ren eú imw, nge ikewe aramas resap kúna me ie.

• Atun sia fiti afalafal lein chómmóng aramas atun ra kan witiwit, áwewe chék ren ekkewe leenien sousou bus are train, kassoro are oroor. Kopwe eisiniir ika ra mochen álleani och puk, áiti ngeniir ekkóch ekkewe magazine minen lóóm me mut ngeniir ar repwe kefil néúr.

• Atun ka ló lón ekkewe imwen soopw, leenien túmún chinnap, pioing, are lón ekkewe leeni mi nóm lón óm we leenien afalafal, kopwe likitatiw ekkóch ekkena puk minen lóóm lón ewe leenien witiwit lón ekkena leeni. Fán chómmóng a múrinné ach sipwe angei mumutá seni minne ká an ewe leeni ika mi nóm, ach sipwe uwoutiw ekkena puk. Ika ka kúna pwe a fen wor ekkena puk ikena, iwe kosap pwal likitatiw ekkóch.

• Atun ka ammólnatá le chuursefáli ekkewe aramas mi mochen aúseling, kopwe ekieki met emén me emén epwe pwapwaiti. I mi famili? A kan sani an epwe sáifetál? A kan sani le atake? Kopwe katoléch lón ekkena magazine me ppii ika epwe wor lesen eli epwe pwapwaiti le állea, me áiti ngeni atun kopwe liwiniti.

• Atun ka sereni emén chón imw mwirin óm sótun chuchchuuri, nge a pwapwaiti, iwe kopwe áiti ngeni ekkóch ekkena magazine minen lóóm a missini.