Etiwa Néúch Waséla

Lón March 23, epwe wor 12 million aramas are lap seni repwe fiti ewe Áchechchem, iir repwe néúch waséla. A ifa me amwararen ewe angangen pwáraatá ngeni ekkewe waséla atun ewe chón afalafal epwe pwóróus usun án Jiowa liffangen méén kepich me ekkewe ekkóch feiéch chón fénúfan repwe kúna lón mwachkkan! (Ais 11:6-9; 35:5, 6; 65:21-23; Joh 3:16) Iwe nge, esap chék ewe chón afalafal epwe awora minen pwáraatá lón ena fansoun mi aúchea. Oukich meinisin sia tongeni fiti ewe angangen pwáraatá ren ach etiwetiwéch ngeni ekkewe waséla. (Rom 15:7) Ikkeei ekkóch kapasen pesepes.

• Lap seni óm kopwe chék mómmóót me witiwiti an ewe mwich epwe poputá, etiwa ekkewe waséla me ekkewe mi úkútiw lón ar angang ngeni Jiowa ren óm enletin emelimel me chiechiéch le kapong ngeniir

• Atun sia átenekiéchú ekkewe sia pwisin etiwa, sipwe pwal áfánni ekkewe ra etto pokiten ewe angangen einetin taropween etiwetiw. Etiwa ekkewe waséla ar repwe mómmóót reom. Néúnéúfengen noum Paipel me puken kél

• Mwirin ewe afalafal, awora óm fansoun le pélúweni an kewe kapas eis. Nge ika ese tawe pokiten óm mwichefel epwe mwittir feiló pún mi wor pwal eú mwichefel epwe áeá ewe leeni, akkóta pwe kopwe chuuri ena emén mwirin fitu rán. Ika kese silei ifa usun kopwe kúnasefáli, neman kopwe apasa: “Ua mochen silei ekiekum usun ach ei mwich. Mi wor eú alen ach sipwe fósfengensefál?”