Chengel lón Óm Ápilúkúlúk

Ápilúkúlúk a usun eú angké. (Ip 6:19) A álisikich pwe esap ta ach lúkú atun a fis mélúmél. (1Ti 1:18, 19) Mélúmél a fis lón manawach a tongeni kapachelong pwisin óm kewe letipengaw, péútúlóón tufichum, samau ren fite ier, málóón emén attongeom, are pwal ekkóch mettóch a tongeni atai ach pwúngún enletin tuppwél.

Lúkú me ápilúkúlúk ra atufichikich ach sipwe kúnaéchú ewe liwin mi fen pwonetiw. (2Ko 4:16-18; Ip 11:13, 26, 27) Iwe, inaamwo ika ach ápilúkúlúk epwe fis lón láng are wóón fénúfan, nge sipwe fókkun apéchékkúla ren ach ekkekilonei wóón ekkewe pwon ra makketiw lón án Kot we Kapas. Iwe, lupwen sia riáfféú ren ekkena sókkun sóssót, epwe mecheres ach sipwe akkamwéchú ach pwapwa.—1Pe 1:6, 7.

KATOL EWE VIDEO REJOICE IN THE HOPE, MWIRIN PÉLÚWENI EKKEEI KAPAS EIS FAN:

• Pwata Moses a eú leenien áppirú mi múrinné ach sipwe áppirú?

• Ifa wisen ekkewe mékúr lón famili?

• Met sókkun pwóróus ka mochen apachaalong lón ámi famili fel?

• Ifa usun ápilúkúlúk epwe álisuk óm kopwe núkúchar atun kopwe kúna sóssót?

• Met ka mochen kúna lón mwachkkan?