Köl 29 (62)
Ra Pwapwa, Ir Mi Umoumoch!
1. Ra pwapwa ir mi umoumoch!
Fan mesen Kot ir mi lingoch.
Ra erenir mi tongei pwung
Pwe Kot mi fokkun kichioch.
A pwarata an umoumoch
Ren kaworen an moon kepich
Fan iten chon mosonoson.
A silei ach apwangapwang.
2. Ra pwapwa ir mi umoumoch;
Ra kuna museloon tipis.
Ra kuna ei feioch iei
Pun Kraist a nom mwen mesen Kot.
Ra pwarata ar umoumoch
Ren ar afalafal fetal.
Ra apasa: “Oupwe pwapwa,
Pun a fen waroto Muun Kot.”
3. Ir mi umoumoch resap chechch
Lon an Kot we ranin kapwung.
Kot epwe umoumoch ngenir,
Pun ir mi tipetekison.
Amwo kich meinisin sipwe
Pwarata ei lapalapoch,
Umoumoch, fansoun meinisin
O appiru ach Kot lon lang.
(POSTLUDE)
Ra pwapwa ir mi umoumoch!
Fan mesen Kot ir mi lingoch.