Án Paipel Kewe Kapas Eis Ra Pélú
Met Jesus epwe féri lón mwachkkan?
Lón ewe ier 33, Jesus a máló, a manawsefál, me a feitá láng. Ló, ló, ló, Jesus a angei wisan an epwe nemenem usun emén King. (Taniel 7:13, 14) Lón mwachkkan, Jesus epwe féri wisan wisen King le efisi kinamwe wóón fénúfan, me asopwaló mwelele.—Álleani Kölfel 72:7, 8, 13.
Pokiten Jesus emén King, iwe epwe limetawu féfféringaw seni fénúfan
Jesus, ewe Chón Nemenemen fénúfan, epwe féri ekkewe mettóch mi amwarar. Epwe áeá ewe manaman ewe Sam a ngeni pwe epwe aunuséchusefáli aramas. Repwe pwapwaiti manaw wóón fénúfan me resap chinnapeló me máló.—Álleani Johannes 5:26-29; 1 Korint 15:25, 26.
Met Jesus a féfféri iei?
Jesus iei a ekkemmweni néún kewe chón áppirú mi enlet lón ewe angangen afalafal wóón unusen fénúfan. Ra chuchchuuri aramas pwe repwe áiti ngeniir met Paipel a apasa usun Mwúún Kot. Jesus a apasa pwe epwe sópweló le álisatá án néún kewe chón káé angang tori Mwúún Kot epwe asopwaló mwúún aramas.—Álleani Mateus 24:14; 28:19, 20.
Jesus a ekkemmweni aramas lón eú alen manaw mi múrinné me ren ewe mwichefelin Chón Kraist mi enlet. Epwe sópweló le emmweniir tori katalóón ei ótót, tori ewe fénúfan sefé Kot a pwonei.—Álleani 2 Petrus 3:7, 13; Pwärätä 7:17.