Án Paipel Kewe Kapas Eis Ra Pélú

Ié a wesewesen nemeni ei fénúfan?

Chómmóng aramas ra lúkú pwe ewe Kot mi enlet a nemeni ei fénúfan. Itá ei fénúfan epwe ur ren riáfféú ika Kot a wisen nemeni? (Tuteronomi 32:4, 5) Me ren ewe Paipel, ei fénúfan a nóm fán nemenien emén mi ngaw.​—Álleani 1 Johannes 5:19.

Ifa usun emén mi ngaw a poputá le nemeni aramas? Lepoputáán uruwoon manawen aramas, emén chónláng a ú ngeni Kot me a etipetipa ewe áeúin pean pwúpwúlú ar repwe pwal ú ngeni. (Keneses 3:1-6) Ena pean pwúpwúlú ra filatá ar repwe álleasochisi ena chónláng, Satan, iwe ra onómuur fán nemenian. Ewe Kot mi Unusen Manaman, i chék a wor an pwúúng le nemenem, nge a mochen aramas repwe filatá ar repwe nóm fán nemenian pokiten ar tongei. (Tuteronomi 6:6; 30:16, 19) A elichippúng pwe lap ngeni aramas ra fen tupuló me ra kefilingaw usun ewe áeúin pean pwúpwúlú.​—Álleani Pwärätä 12:9.

Ié epwe pwákini án aramas kewe osukosuk?

Kot epwe mut ngeni Satan an epwe chék sópwósópwóló lón an nemenem mi ngaw? Aapw! Kot epwe néúnéú Jesus an epwe amóeló án Satan kewe angang meinisin.​—Álleani 1 Johannes 3:8.

Fán án Kot manaman, Jesus epwe nieló Satan. (Rom 16:20) Mwirin, Kot epwe nemeni aramas meinisin me atoto ngeniir ewe sókkun manaw mi pwapwa me kinamwe usun met a fen tipeni me lepoputáán.​—Álleani Pwärätä 21:3-5.