Met Kopwe Föri Lon Manauom?
1 Aramas ra kan kapas eis ngeni ekkewe semirit: “Met ka mochen wiliti lupwen ka wattetä?” Ika en emön ät, kopwe apasa pwe kopwe emön tokter? emön sense? are emön circuit overseer? Are ika en emön nengin, kopwe fen apasa pwe kopwe emön sou köl? emön kangof? emön misineri? Nge iei ka fen ekis wattelo, kopwe eisinuk pwal eü kapas eis, ‘Met upwe föri lon manauei?’ Ka fen mmolnetä le filatä met kopwe föri?
2 Ren an epwe älisuk om kopwe fokkun filiöch, än Jiowa we mwicheich a föri ewe DVD Young People Ask—What Will I Do With My Life? (Särafö Ra Eis—Met Upwe Föri lon Manauei?) Kopwe katon me ekiekifichi woon unusen masouan ewe DVD, kapachelong ewe sipai, interview me soposopwun pwal ekkoch pworaus. Meselapen masouan ewe DVD a nom lon ewe pwor itelapan “Main Menu.”
3 Ewe Sipai: Atun ka katon ewe DVD, ekieki woon ekkeei kapas eis: (1) Ifa ussun nonnomun Timoti, mi mak pworausan lon ewe Paipel, a löllö ngeni nonnomun Andre? (Fof. 16:1; 1 Tim. 4:8; 2 Tim. 1:5) (2) Ifa ussun Andre a küna etipetip pwe epwe unusen achocho lon sports me iö a kan etipetipa i? (3) Iö kewe ra älisi Timoti me Andre ar repwe achocho lon pekin ngün me ifa ussun lapalapen ar älisiir? (2 Tim. 1:1-4; 3:14, 15) (4) Ifa ussun ewe pesepes lon Mattu 6:24 me Filipai 3:8 a kkü Andre me ifa ussun a pwal achüngü letipom?
4 Fili Kinikinin ewe DVD: Wesin om katon unusen ewe sipai, fichisefälli ekkeei kinikinin ewe DVD, me pölueni ekkeei kapas eis. “Paul me Timoti”: Ifa än Paul saingoon pesepes ngeni Timoti? (2 Tim. 4:5) “Ngeni Jiowa ewe mi Mürinnö Seni Meinisin”: Ikkefa ekkewe mettoch ka achocho ngeni lon pekin ngun? “Uppwos fän iten Jiowa”: Ia a feito me ia ewe pwapwa mi enlet? “Fön Seni Inan Chinnap”: Met ngaüan an emön mochen epwe iteföülo lon an Setan fönüfan? (Mt. 4:9) “Esap Liamam”: Ifa ewe pworaus epwe tongeni älisuk le küna aüchean manauom?—SalF. 10:22.
5 Ekkewe Interview: Atun ka katon ekkeei kinikin, met ka küna pwe kopwe tongeni fangolo ngeni Jiowa ewe mettoch mi mürinnö seni meinisin? (1) “Angang fän iten ekkewe Mettoch Mi Lamot Mwääl are Fän iten Kot?” (1Jon 2:17); (2) “Käeö Ifa Ussun Kopwe Pwapwaiti Om Angangen Afalafal.” (Kol F 27:14); me (3) “Sokkopaten Angang mi Suuk Ngonuk.”—Mt. 6:33.
6 Lesokuriti Manauach: En mi tongeni pölüeni? (1) Met sokkun angang ewe brother me sister ra fen achocho ngeni, me pwata? (2) Ifa ükükün sopwöchur lon ar angang? (3) Met a amwökütüür ar repwe likitalo met ra akkangang ngeni? (2 Kor. 5:15) (4) Met sokkun angang lon pekin ngün a siwili ar angang loom, me pwata ra meefi pwe rese tongeni achocho ngeni ir me ruu? (5) Ra meefi liamam ren ar siwili met ra fen alamota lon manauer? (6) Met ra apasa mi kkü letipom om kopwe ekieki ussun met kopwe föri lon manauom?
7 Pwal Ekkoch Interview: Met ka käeö seni ekkeei interview pwe kopwe tongeni aunusalo om angang ngeni Jiowa? (1) “Lamoten ewe Pwisin Käeo,” (2) “Pwal Ekkoch Sokkun Angangen Afalafal,” (3) “Bethel Service,” (4) “Gilead Missionary Training,” (5) “Ministerial Training School.” Enniwili ewe “Index to Published Information on Related Subjects,” me älleäni pwal ekkoch mettoch ka mmen pwapwaiti.
8 Iwe, ka fen filatä met kopwe föri lon manauom? Paul a pesei Timoti: “Kopwe tumunuochu o achocho ngeni ekkeei mettoch, pwe om fefeita epwe pwapwalo ngeni aramas meinisin.” (1 Tim. 4:15) Am aua peseok om kopwe pwal äppirü met ka katon me rongorong lon ei DVD. Tingorei än Jiowa älillis pwe kopwe tipatchem le filiöch pwe filiom epwe atoto reom ewe enletin pwapwa me menemenoch lon manauom iei me kopwe apilukulukoch lon mwach kkan.
[Pwóór lon pekin taropwe 6]
MAIN MENU
Play Drama
Scenes (11 selections)
Interviews
Play All
Sections (3 selections)
Looking Back
Supplementary Material
Supplementary Interviews
Index to Published Information on Related Subjects
Subtitles
Hearing Impaired
None
To navigate around the menus, use the Next ▶, ◀ Back, and Main Menu buttons.