Young People Ask—What Will I Do With My Life? (Kinikin 1)
Atun ekkewe sáráfé ra mwukóló, a wor ekkewe kefil mi lamot repwe filatá. A fen ffér ewe video Young People Ask—What Will I Do With My Life? pwe epwe álisiir. Wóón ewe menu, tiki Play Drama, mwirin ppii ika ka tongeni pélúweni ekkena kapas eis lón parakraf 2. Mwirin ena, tiki Interviews wóón ewe menu, mwirin tiki Looking Back iwe mwirin sótuni le pélúweni ekkena kapas eis lón parakraf 3.
Drama: (1) Lón met sókkun napanap nónnómun Timoty a léllé ngeni nónnómun chómmóng Chón Kraist sáráfé ikenái? (2) Ifa usun Andre a kúna etipetip pwe epwe unusen achocho lón sport? (3) Met Pwiich we Fleissig a ereni Andre usun (a) án emén fangóló manawan ngeni Jiowa me pwal ngeni sport? (Mat. 6:24) (b) populapen ewe pwapwa mi enlet? (c) sepien we bowl seni ewe leenien kalapus a áchema ngeni? (d) ekkewe aramas mi nóm ren me pwúlúwan we lón ewe sasing? (e) meefian ika a niamam ren an siwili met itá epwe achocho ngeni lón manawan? (Filip. 3:8) (4) Ifa usun inen Andre we chinnap a pélúweni an ei kapas eis, “Mi mwáál ai mochen upwe emén mi iteféúló ren mwittiri le ssá? (Luk. 4:5-7) (5) Itá an win lón ewe ssá a atoto án Andre enletin menemenéch? (6) Met ka aúcheani lón néún Pwiich Fleissig we sáingoon taropwe ngeni Andre? (SalF. 10:22) (7) Met Pwiich we Fleissig a álisi Andre le mirititi?
Looking Back: (8) Ikkefaan ekkewe angangen ei fénúfan pwiich kewe ra chechchei, me pwata? (9) A ifa úkúkún ar kúna sópwéch? (10) Met a efisi án emén me emén ekkesiwili minne a chechchei lón manawan? (2 Kor. 5:15) (11) Ra ekkesiwili ren met sókkun angang lón pekin lúkú? Iwe, pwata ra meefi pwe ese éch repwe chechchei me ruu? (12) Itá ra fen niamameló ren ar siwili met repwe akkomwa lón manawer? (13) Menni lein alor kewe mi ákkáeúin efisi óm ekieki usun met kopwe féri lón manawom?
Kese mochen katol pwal ekkewe ekkóch interview me ekkóch pwóróus mi sópwósópw lón ena video, me ammólnatá le uwawu meefiom wóór atun sia pwóróus lón ach mwichen Káitin Chón Afalafal lón en wiik.