Met Sipwe Apasa Ussun Ekkewe Chassi

The Watchtower May 15

“Ifa ussun kopwe pölüeni ei kapas eis? [Älleäni ewe kapas eis woon lukunpöön. Mwirin mut ngeni epwe pölüeni.] Ewe Paipel a ngenikich popun ach sipwe äpilükülük. [Älleäni Mattu 6:9, 10.] Ei chassi a aweweei ifa ussun ewe mwuun Kot epwe apwönüetä letipen Kot woon fönüfan.”

Awake! May

“Ekkoch aramas ra pwapwaiti ar wöüöch ren watteen nöür moni, nge fite milion aramas ra fokkun wöüngaü. Om ekiek nge epwe wor eü fansoun esap chüen wor ekkena sokkofesen lein aramas? [Mut ngeni epwe pölüeni.] Nengeni ifa ekiekin Kot ussun ekkewe mi wöüngaü. [Älleäni Kölfel 22:24.] Ei chassi epwe aweweei ewe äpilükülük lon ewe Paipel fän iten ekkewe mi wöüngaü.”

Ewe Leenien Mas May 2007

“Kopwe meefi letipengaü ika emön epwe erenuk pwe en mi chök nikinikin semirit? [Mut ngeni epwe pölüeni.] Kese mochen nengeni met Jises a apasa ussun ach sipwe napanapeni napanapen semirit. [Älleäni Mattu 18:3.] Ei chassi epwe aweweei met popun Jises a apasa ena, me a pwal awora ekkoch popun mi mürinnö pwata ekkewe watte repwe äppirü ekkewe semirit. Ei angang a fis woon unusen fönüfan me ren ekis monien älillis mi älisatä ei angang. Ika ka mochen awora monien älillis, upwe fokkun pwapwa le angei.”