Met Sipwe Apasa Ussun Ekkewe Puk

Ewe Leenien Mas January 2009

“Lon ei atun, chommong aramas ra ekieki ussun Jises. Me reom, ifa ussun napanapen Jises kewe a achchüngük? [Aüseling ngeni meefian.] Ewe Paipel a pesekich ach sipwe tapwelo mwirin än Jises leenien äppirü. [Älleani 1 Piter 2:21.] Ach föri ena epwe aöchükichelo me awettelo ach pwapwa. Ei puk epwe awewei met popun.”

Awake! January

“Lupwen sia küna ekkewe osukosuk, chommong aramas ra meefi pwe ina än Kot kapwüng ngeniir. A pwal ina ussun meefiom? [Aüseling ngeni meefian. Iwe, älleani Jemes 1:13.] Ei pworaus a aweweei enletin populapen a fiffis ekkewe osukosuk, me pwata sipwe tongeni lükülük pwe repwe sopwolo.” Menlapei ewe pworaus a poputä lon pekin taropwe 28.

Ewe Leenien Mas February 2009

“Aramas woon fönüfan a sokkofesen meefier ussun Meri, inen Jises we. Met meefiom? [Aüseling ngeni meefian.] Ewe Paipel a äitingenikich pwe Meri a eäni eü wis mi kkolo seni aramas meinisin. [Älleani Luk 1:30-32.] Ei puk epwe awewe ngenikich met sipwe tongeni käeö seni än Meri we leenien äppirü.”

Awake! February

“Mettoch meinisin a fiffis woon fönüfan a pwäratä pwe ei fönüfan a för fän iten an epwe atufichi manau. Nge ifa meefiom, ekkeei mettoch a chök pwisin fisitä, are ka pwal lükü pwe mi wor emön chon Föratä me anapanapa? [Aüseling ngeni meefian.] Chommong aramas repwe tipeeü ngeni ei pworaus lon Paipel. [Älleani Kölfel 104:24.] Ei puk epwe aweweeifichi ekkewe pisekin ännet lon pekin science me lon Paipel ussun ewe Chon Föratä.”