Met Sipwe Apasa Ussun Ekkewe Puk

Ewe Leenien Mas September 2009

“Ekkoch ra apasa pwe meinisin lamalam a ussun chök sokkopaten al sia fetäl woon nge ra feilo ngeni ewe emön chök Kot. Om ekiek pwe meinisin lamalam mi mürinnö? [Aüseling ngeni meefian.] Nengeni met ewe Paipel a apasa. [Älleani Mattu 7:13, 14.] Ei puk a eiteita ülüngät mettoch ewe Paipel a apasa ewe lamalam mi mürinnö epwe apöchökküla.” [Äweweei ewe kokkotun awora monien älillis.]

Awake! September

Älleani 1 Jon 4:8. Mwirin kopwe apasa: “Ekkoch ra lükü pwe Kot a eriäfföü ekkewe aramas mi ngaw lon ewe ekkein ell. Ekkoch ra meefi pwe ena ekiek ese tipeeü ngeni ewe wokisin sia kerän älleani. Met meefiom? [Aüseling ngeni meefian.] Ei pworaus a äiti ngenikich met ewe Paipel a apasa usun ei.” Äiti ngeni ewe pworaus a poputä lon pekin taropwe 10.

Ewe Leenien Mas October 2009

“Ekkoch ra apasa pwe ika ka tuppwöl ngeni Kot, iwe epwe ngonuk chommong pisek nge än emön wöüngaw ina esissillen pwe Kot a oput. Met meefiom? [Aüseling ngeni meefian.] A mmen amwarar pwe Jises esap emön mi pisekisek. [Älleani Luk 9:58.] Ei puk a pworaus usun met sokkun feiöch ekkewe chon angangen Kot repwe tongeni angei.”

Awake! October

“Lon iteitan famili meinisin mi chök pippiitä osukosuk. Ka ekieki ekkewe famili ra tongeni küna me ia ewe emmwen mi lükülüköch me älillisöch ngeniir? [Aüseling ngeni meefian. Mwirin älleani Köl Fel 32:8.] Ei puk itan Awake! mei wor pworaus mi kkolo aüchean, a menlapei ekkewe kapasen emmwen lon Paipel epwe fokkun älisi ekkewe famili ika ra apwönüetä.”