Met Sipwe Apasa Usun Ekkewe Puk

Ewe Leenien Mas August 2010

“Chommong aramas ra chök eita ngeni ewe mi Unusen Manaman, Kot. Nge ka silei pwe Paipel a affata pwe mi wor iten Kot? [Aüseling ngeni meefian. Mwirin älleani Aisea 42:8a.] Ei puk epwe äweweei pwata iten Kot a tötönüwü seni ekkoch Paipel me met weween ach silei Kot ren itan.”

Ewe Leenien Mas August 2010

“Chommong aramas mi letip wenechar ra fiti mwökütükütün mwu pun ra mochen amürinnölo nonnomun ei fönüfan. Ka lükü pwe repwe tongeni sopwöch? [Aüseling ngeni meefian.] Paipel a affata ewe popun ei fönüfan a fokkun ngaw. [Älleani 1 Jon 5:19.] Ei puk a äweweei pwata Jises ese mochen fiti mwökütükütün mwu.” Äiti ngeni ewe pworaus lon pekin taropwe 18.

Ewe Leenien Mas September 2010

“Chommong aramas ra niuokkus pwe ra ekieki pwe maun woon kensi pakutang are siwilin weather repwe tongeni ataielo ei fönüfan. Ka ekieki epwe tongeni fis ena? [Aüseling ngeni meefian.] Nengeni met ewe Paipel a apasa usun ena mettoch. [Älleani Pwarata 11:18.] Ei puk a pölüweni rüanü kapas eis usun sopwoloon ei otot, chommong aramas ra osukosuk ren.”

Ewe Leenien Mas September 2010

“Chommong aramas ra meefi pwe sopwoloon ei otot a arapoto. Nge en met ka ekieki? [Aüseling ngeni meefian.] Ewe Paipel a äiti ngenikich pwe Kot chök a silei ineet ewe sopwoloon epwe muchulo. A pwal affata met epwe fis lon ekkewe ränin lesopwoloon. [Älleani Mattu 24:14.] Ei puk a äweweei chommong pworaus usun sopwoloon ei otot.”