Met Sipwe Apasa Usun Ekkewe Puk
Ewe Leenien Mas December 2010
“Kich meinisin sia mochen meefi menemenöch. Ka ekieki pwe moni a ämenemenöchükich? [Aüseling ngeni meefian.] Emön chon makkeei Paipel a käeö ifa usun epwe pwapwa ren minne a nom ren. [Älleani Filipai 4:11, 12.] Ei puk epwe äiti ngenikich seni Paipel nimu mettoch ra ämenemenöchükich.”
Ewe Leenien Mas December 2010
“Ka ekieki pwe a wekkeiresilo än ekkewe sam me in äiti nöür kewe le manaueni manau mi limöch? [Aüseling ngeni meefian.] Än Kot we kapas a äweweei ewe popun a weires. [Älleani 2 Timoti 3:1, 3.] A mmen weires ngeni ekkewe sam me in ar repwe fos ngeni nöür kewe usun ewe föfför lefilen mwän me fefin. Lon pekin taropwe 18 lon ei puk, a wor kapasen emmwen ren met ra tongeni föri.”
Ewe Leenien Mas January 2011
“Chommong aramas ra lükü pwe a wor chokkewe aramas rese tongeni küner, me ra tongeni etipetipakich. Met ka ekieki? [Aüseling ngeni meefian. Mwirin, älleani Pwäratä 12:7-9.] Ei puk epwe äiti ngenikich met ewe Paipel a apasa usun chokkana, ifa usun ra kan etipetipakich, me ika mi tufich ach sipwe pwoppworaus ngeniir.”
Ewe Leenien Mas January 2011
“A kon eletipechou ika emön chon eü famili a pwisin nielo. Met ka ekieki epwe älisi emön pwe esap pwisin nielo? [Aüseling ngeni meefian.] Ewe Paipel a äiti ngenikich met a tongeni älisi. [Älleani Rom 15:4.] Ewe pworaus lon pekin taropwe 14 a apworausa ifa usun kapasen öüröür seni Paipel a älisi emön mwän mi ekiekin pwisin nielo.”