Túmúnú Ekiekum
1. Ifa itelapen ewe rú ránin mwichelap lón 2013 service ier, me met popun a kkótóló ena prokram?
1 Jesus a éúréúra néún kewe chón káé ar repwe tongei Jiowa ren unusen letiper, manawer, me ekiekiir. (Mat. 22:37, 38) Ach kewe mwichelap lón ei ier ra fen kkótóló pwe repwe álisikich le apéchékkúla masouen letipach. Iei itelapen ach we mwichelap lón summer: ‘Tümwünü Lelukom!’ Ewe eú ránin mwichelap fán iten ewe 2013 service ier, epwe iei itelapan: “Túmúnú ‘Mwelien Letipom.’” Me ewe rú ránin mwichelap epwe poputá lón en maram lón ekkóch leeni epwe menlapei ewe itelap: “Túmúnú Ekiekum,” mi lóngólóng wóón Mateus 22:37. Ena prokram a kkótóló pwe epwe álisi emén me emén kich le etittina pwisin ekiekich pwe epwe akkapwapwaai Jiowa.
2. Ikkefa ekkewe kapas eis sipwe aúseling ngeni pélúwer atun ewe prokram?
2 Ikkeei Met Repwe Katowu: Atun sia aúseling lón ewe rú ránin mwichelap, sipwe aúselingéch ngeni pélúwen ekkeei kapas eis pwe ikkena menlapen ewe prokram:
• Ifa usun sipwe túmúnúkich seni ach eáni ‘ekiekin aramas’?
• Ifa usun sipwe álillis le sárifaaló ewe pwélúpwél mi achunaló ekiekin chón lúkúlúkúmmang?
• Met sókkun napanapen ekiek sia mochen eáni?
• Ikkefa feiéchún ach ekilon mi múrinné?
• Ifa usun sipwe mut ngeni Jiowa an epwe emúrinnéló ach ekiek?
• Ifa usun mwán pwúpwúlú, fin pwúpwúlú, sam me in, me ekkewe nau ra tongeni álisatá pwapwaan ar famili?
• Ifa usun sipwe tongeni mmolnetá ngeni ránin Jiowa we?
• Met weween ach sipwe ammólnatá ekiekich fán iten eú angang?
• Ikkefa feiéchún chókkewe mi apwénúetá met ra káé?
3. Pwata a lamot ach sipwe fiti iir me rú ránin ewe mwichelap, aúselingéch, me apwénúetá met sia káé?
3 Satan a kan mammaun ngeni ekiekich me a kúkkútta pwe epwe angawaló. (2 Kor. 11:3) Ina pwata, sipwe túmúnú ekiekich me nemeni masouen ekiekich. Mi lamot sipwe ákkeáni ekiekin Kraist me fiu ngeni etipetipaen ei ótót mi ngaw. (1 Kor. 2:16) Iwe, kopwe akkóta pwe kopwe fiti iir me rú ekkewe ránin mwichelap. Aúselingéch. Ach apwénúetá ekkewe pwóróus mi aúchea ra katowu epwe álisikich le ammólnatá ach ekiek fán iten ach sipwe tinikken le féri angangen ewe Mwu.—1 Pet. 1:13.