Amúrinnéló Tufichich lón ewe Angangen Afalafal ren Ach Ammólnatá Kapasen Lepoputáán

Pwata A Lamot: Ika ach kapasen lepoputáán ese amwasangasang ngeni ewe chón imw, neman epwe mwittir aúkatiw ewe pwóróus mwen ach sipwe tongeni afalafal ngeni. Ina popun, chómmóng chón afalafal ra ekieki pwe ar kapasen lepoputáán, ina ewe mi kon lamot lón kinikinin ar afalafal. Inaamwo ika a kawor ekkewe afalafal sipwe tongeni eáni lón Ach Angangen Afalafala ewe Mwú me ewe Reasoning puk, lap ngeni ewe kapasen lepoputáán mi kapachelong ese unus pokiten epwe ámecheresi án ekkewe chón afalafal tongeni siwili. Inaamwo ika mi unus ewe afalafal mi kawor, nge neman ekkewe chón afalafal repwe filatá le siwili are féri pwisin ar. Ina minne, sipwe kon sópwéch ika sipwe ammólnafichi ach kapasen lepoputáán lap seni ach sipwe apasa met chék a tolong lón mékúrach atun ewe chón imw a suuki ewe asam.​—SalF. 15:28.