ELIPWÁKÉCHUK LÓN ANGANGEN AFALAFAL

Ámúrinnééló Tufichich lón ewe Angangen Afalafal ren—Óm Pwisin Féri Kapasen Anéúnéún ewe Leenien Mas

PWATA A LAMOT: Inaamwo ika ekkewe afalafal mi álilliséch ekkewe ra nóm lón minen káé fán iten mwich nge iir outline chék. A lamot kopwe apasa lón pwisin óm fós. Eli ka mochen siwili napanapan are ka meefi pwe aramas repwe sani pwal eú pwóróus. Ika ina, mwirin óm álleani ewe Leenien Mas, ekieki ekkewe afalafal mi kawor, me katol ewe video iwe ka tongeni áeá ekkewe kapasen pesepes mi nóm fan pwe kopwe féri pwisin óm afalafal.

USUN ACH FÉRI:

Pwisin eisinuk: ‘Ua mochen áeá eú me lein ekkena afalafal mi fen kawor?’

EWER

Ammólnatá óm kapasen lepoputáán. Mwirin óm kapong, apasa popun óm chuuri. (Áwewe chék: “Omusaaló ren ai tori leeniach nge pokiten . . . ”)
Ekieki met kopwe apasa seni ewe kapas eis ngeni ewe wokisin me ngeni minne kopwe anéúnéú. (Áwewe chék: Me mwán kopwe apasa ewe wokisin, ka tongeni erá: “Ei wokisin epwe pélúwenéchú ena kapas eis.”)

AAPW

Filatá eú itelap lón ewe Leenien Mas ka sani me ekkewe aramas lón ewe leenien afalafal repwe pwal sani
Filatá menni kapas eis kopwe eáni le amwékútú ekiekin ewe chón imw pwe epwe sópwósópwóló ewe pwóróusfengen nge esap áweiresi. (Áwewe chék: Ekkewe kapas eis lón Leenien Mas p. 2.)
Filatá eú wokisin. (Ika kopwe anéúnéú eú puk are tract a ffér fán iten aramas ese lifilifil iwe, ese pwal wor ngawan ika kese álleani eú wokisin pún ena puk are tract a ffér fán iten chókkewe rese kon silei ewe Paipel me neman rese kon lúkúlúk wóón lamalam.)
Féri eú are ruu sentence epwe áweweei álilliséchún an epwe álleani ewe lesen

LÓN IIR ME RUU

Ammólnatá eú kapas eis kopwe pélúweni atun kopwe liwin
Makkeei pwóróus epwe áchema ngonuk met ka mochen apasa lón nan