Ámúrinnééló Tufichich lón ewe Angangen Afalafal le Poputááni Káéén Paipel Ppen Asam lón ewe Pwóróus Allim Brochure
Pwata A Lamot: Ika sipwe álisi aramas le wiliti néún Jesus chón káé, mi lamot sipwe silei ifa usun sipwe asukuler lón án Kot we Kapas. (Mat. 28:19, 20) Meinisin kich sia tongeni lipwákéch le asukula aramas ewe enlet ren ach néúnéú ekkewe minen álillis a kawor ngenikich. A ákkáeúin kawor ewe Pwóróus Allim seni Kot! brochure pwe epwe álisikich le asukula ewe enlet ngeni aramas. Ren enletin, sia tongeni néúnéú ena le poputááni eú káéén Paipel lón ewe chék atun sia kerán chuuri ewe aramas me ppen asamen imwan we.
Sótuni fán Ei Maram:
Iótek fán iten óm kopwe mochen káé ngeni aramas. Pwal tingorei Jiowa pwe epwe álisuk le poputááni eú káéén Paipel me lipwákéch le asukula ewe enlet.—Fil. 2:13.
Atun famili fel are pwisin káé, awora fansoun le lefareni ewe afalafal kopwe eáni. Óm féri ena epwe atufichuk le fós fán lúkúlúk me poputááni eú káéén Paipel ngeni emén ppen asaman.