Ámúrinnééló Tufichich lón ewe Angangen Afalafal ren Ach Ákkáiti Ekkewe Minefé
Pwata A Lamot: Mi lamot néún Jesus kewe minefé chón káé repwe káé le álleasochisi “meinisin” minne a allúk ngeniir, kapachelong ewe angangen asukula ewe enlet ngeni aramas. (Mat. 28:19, 20) Chómmóng ekkewe minefé ra fen fich ngeni ar repwe fiti ewe Sukulen Angangen Chón Kraist me eli ra fen afalafal sereseréch ngeni chón ar famili are chiener kewe. Iwe nge, atun a lallapóló ar aúcheani minne ra kákkáé me silei pwe Jiowa a mochen pwe aramas meinisin repwe rong ewe kapas allim, iwe eli repwe pwáraatá ena mochen ren ar fiti ewe angangen afalafal. (Rom 10:13, 14) Mwirin án ekkewe minefé kapwúngúló pwe ra wiliti chón afalafal resaamwo papatais, a lamot káit mi múrinné pwe epwe álisiir le meefi núkúnúkéch atun repwe wiseni ei wis mi aúchea lón ar angang ngeni Jiowa.—Luk. 6:40.
Sótuni fán ei Maram:
Mwinfengen me ewe a wiliti chón afalafal ewe ka wisen káé ngeni lón ewe angangen afalafal imw me imw, chuursefáli aramas are chón káé. Nge ika ese wor noum ena esin chón káé, iwe, etiwa emén chón afalafal ese mwo kon lipwákéch epwe etuk.