Álisi Óm Famili le Chechchemeni Jiowa

Jeremaia a wisen éúréúra ekkewe chón Jus usun ewe kapwúng epwe toriir pokiten ar rese chúen chechchemeni ar we Kot, Jiowa. (Jer 13:25) Ifa usun a fis ngeni ei mwú ei sókkun apwangapwang lón pekin lúkú? Ekkewe famili lón Israel a fen péút seniir ar ririéch ngeni Kot. A ffat pwe ekkewe mékúren famili rese chúen fiti án Jiowa we emmwen a mak lón Tuteronomi 6:5-7.

Ikenái ekkewe famili mi péchékkúl lón pekin lúkú ra awora álillis le apéchékkúla chón ach kewe mwichefel. Ekkewe mékúren famili ra tongeni álisi chón ar kewe famili le chechchemeni Jiowa ren ar féfféri ar Famili Fel iteitan me epwe wor aúchean me apwapwaan. (Kf 22:27) Wesin katol ewe video “These Words . . . Must Be on Your Heart”​—Family Interviews, pélúweni ekkeei kapas eis:

• Ifa usun ekkóch famili ra sópwéch inaamwo ika ra kúna ekkóch osukosuk epwe eppeti ar famili fel?

• Met feiéchún an ewe kókkótun Famili Fel epwe chék fiffis iteitan me epwe wor aúchean me apwapwaan?

• Ren kókkótun famili fel, met sókkun osukosuk ua kúna me ifa usun upwe pwákiniir?