Kopwe “Mamasa”

25:1-12

Inaamwo ika án Jesus kapas áwewe usun ekkewe engol fépwúl a weneiti ekkewe mi kepit nge ewe lesen mi lamot lón a weneiti Chón Kraist meinisin. (w15 3/1 13-17) “Iei mine oupwe mamasa, pun ousap silei lon meni rän ika kulok Nöün Aramas epwe war lon.” (Mat 25:13) Ka tongeni áweweei án Jesus kapas áwewe usun ekkewe engol fépwúl?

• Ewe mwán apwúpwúlú sefé (w. 1)​—Jesus

• Ekkewe fépwúl mi tipachem me mmólnéch (w. 2)​—Chón Kraist mi kepit, ekkewe mi mmólnéch le féri ar angang fán tuppwél me ra usun saram le tinééch tori lesópwólóón (Fp 2:15)

• Ewe kékké: “A war ewe mwän apwüpwülü söfö.” (w. 6)​—Esissillen án Jesus nónnóm

• Ekkewe fépwúl mi tiparoch (w. 8)​—Ekkewe Chón Kraist mi kepit mi feiló souni ewe mwán epwe apwúpwúlú nge rese likiitú le mammasa me rese akkamwéchú ar tuppwél

• Ekkewe fépwúl mi tipachem rese ngeni ekkewe fépwúl mi tiparoch ar alélé (w. 9)​—A serlupwan mwirin ewe sáingolóón pwaau án ekkewe mi kepit mi tuppwél repwe álisi ekkewe mi kepit rese tuppwél

• “Ewe mwän apwüpwülü söfö a war” (w. 10)​—Jesus a war pwe epwe féri an angangen kapwúng arap ngeni lesópwólóón ewe riáfféú mi lapalap

• Ekkewe fépwúl mi tipachem ra eti ewe mwán apwúpwúlú sefé le tolong fiti ewe kametipen apwúpwúlú, mwirin ewe asam a kapwúngúló (w. 10)​—Jesus a ionifengeni ekkewe mi kepit mi tuppwél ngeni manaw lón láng nge a péút seni ekkewe rese tuppwél ena feiéch