Ié Upwe Etiwa?

Iteiten ier sia fókkun achocho le etiwa aramas lón ach we leenien afalafal ar repwe fitikich le féri ewe Áchechchem. Chómmóng me lein chókkana, sise kan sissileer. A pwal lamot sipwe etiwa ekkewe kich mi sissileer. Chókkewe mi angei ewe taropween etiwetiw seni emén iir mi sissilei, lap ngeni ra kan fiti. (yb08-E 11 ¶3; 14 ¶1) Ié kewe ka tongeni etiwer?

• Aramasom

• Chienom chón angang are chienom chón sukul

• Chón órum kewe

• Chókkewe ka chuursefáliir me pwal chókkewe ka kákkáé ngeniir me lóóm me pwal iei

Pwal och, ekkewe mwán mi ásimaw repwe etiwa chókkewe rese chúen akkapwénúetá wiser wisen emén Chón Kraist. Nge ifa usun ika ewe emén en mi sissilei ese nónnóm ikewe ka nóm ie? Ka tongeni cheki kulókun me leenien ewe Áchechchem lón ewe leeni a nóm ie ren óm ttiki PWÓRÓUSEM asen ewe jw.org home page, mwirin ttiki “Áchechchem.” Atun óm ammólnatá ngeni ei Áchechchem lón ei ier, ekieki ié kewe ka tongeni etiwer, mwirin etiwer.