Ámúrinnééló Tufichich Lón Ewe Angangen Afalafal​—Afalafal Wóón Phone

PWATA A LAMOT: Afalafal wóón phone ina eú alen ach sipwe “pwärätä ewe Pworausen Manau.” (Föf 20:24)a A álisikich ach sipwe tongeni afalafal ngeni emén atun sise tufichin pwisin chufengen.

MINNE KOPWE FÉRI:

• 

  Mmólnetá. Filatá eú pwóróus chómmóng aramas ra efich. Mwirin makkeetiw met ka mochen apasa. A pwal múrinné óm kopwe ammólnatá eú pwóróus mi mwochomwoch epwe áweweei popun ka kékké, pwe ika ewe chón imw ese pélúweni ka chék apasalong lón ewe answering machine. A éch ika kopwe mómmóót ren eú cheepel fitifengen me minne ka makkeetiw óm kopwe apasa me ekkewe mettóch kopwe néúnéú le afalafal, áwewe chék ren noum we mechá mi suuk ngeni JW Library^® are jw.org^®

• 

  Fós fán kinamwe. Kopwe fós usun nge ka fós ngeni chiechiom. Emelimel me pwal fiti pwomwen inis, usun nge eménnewe mi kúnók. Túmúnú pwe esap kúmwéchúmwéch óm fós. A álilliséch ika epwe pwal wor chienom. Ika ewe chón imw a eáni eú kapas eis, léúwommóng le apasasefáli pwe chienom we epwe tongeni álisuk le kútta pélúwan

• 

  Suuki alen óm kopwe chuursefáli. Ika eménnewe a pwapwaiti met oua pwóróusfengen wóón, iwe ka tongeni likiti ngeni eú kapas eis oupwe pélúweni atun ka kérsefáli. Ka tongeni ereni pwe kopwe e-mail ngeni eú puk are och taropwe, are uwei ngeni lón imwan, are tiinaaló ren lón an pwórun posto. Are neman ka tongeni ereni pwe kopwe text ika e-mail ngeni eché me lein néúch kewe video are och pwóróus. Ika mi fich, ereni usun ach we Online Bible Study Lessons are pwal och mettóch lón ach we website