Emmwen mi Álilliséch fán Iten Mwichen Afalafal

Ekkewe mwich fán iten ewe angangen afalafal ra usun chék meinisin ach kewe mwich, ra feito seni Jiowa pwe repwe atufichikich le pwárfengeni ach tongfengen lefilach me féri angang mi múrinné. (Ip 10:24, 25) Úkúkún ttaman epwe nimu ngeni fisu minich, kapachelong akkóten ewe kúmiin afalafal, menni ar territory, me iótek. (Ika epwe wor pwal eú mwich epwe fis mwirin, iwe epwe fen mwoch seni ena.) A lamot ewe chónemmwen epwe ammólnatá och kapasen emmwen epwe álilliséch ngeni ekkewe chón afalafal lón na ránin. Áwewe chék, lón Ammól atun chómmóng me lein ekkewe chón fiti rese afalafal lón ekkewe weekday, neman epwe álilliséch le pwóróusfengen wóón minne repwe apasa. Ikkefa ekkóch mettóch neman epwe álilliséch ámi oupwe pwóróusfengen wóón?

• Fósfengen wóón eú alen pwóróusfengen seni ewe Manawach Chón Kraist me Ach Angangen Afalafal​—Minen Káé fán Iten Mwich

• Ifa usun a tongeni poputá le fós ngeni emén ren an fósun minne mi kerán fis, are och pwóróus seni news

• Ifa usun epwe pélúweni eú kapasen eppet

• Ifa usun epwe pélúweni emén ese lúkú pwe mi wor Kot, emén mi lúkú pwe aramas ra pop seni man, emén mi eáni pwal eú fós, are emén mi fiti eú lamalam ese chómmóng chón fiti

• Ifa usun áeáán masouen ewe website jw.org, ewe JW Library^® app, are néúnéún ewe Paipel

• Ifa usun néúnéún eú me lein masouen ewe Pwórun Asukul

• Ifa usun epwe fiti eú me lein ekkewe alen afalafal, áwewe chék ren afalafal wóón phone, mak taropwe, afalafal lein chómmóng aramas, chuursefáli aramas, are káé ngeni emén

• Áchchema usun pekin túmúnúéch, tipemecheres ngeni siwil, féffér múrinné, ekiek pwúng, are met mi pwal lamot

• Eú lesen are video seni ewe brochure Achocho lón Óm Állea me Asukul

• Ifa usun epwe apéchékkúla me álisi chienan we chón afalafal

• Eú wokisin usun ewe angangen afalafal are eú pwóróus usun ewe angangen afalafal mi apéchékkúl