Minen Álillisin Káé

Émwéchúnúkú Ach Kewe Kél

“Lupwen úa pwisin letipechou rei, Jiowa a apéchékkúlaei ren ekkewe kél lón JW Broadcasting^®.”—Lorraine, U.S.A.

Ach kewe kél iir kinikin ach fel ngeni Kot seni chék me lóóm. (Kol. 3:16) Ekkewe kél ra tongeni álilliséch ngonuk iká ka silefichiir pwal mwo nge atun ese wor noum puken kél are device. Sótuni ekkeei minen álillis pwe kopwe tongeni émwéchúnúkú ach kewe kél.

• Álleaniéchú kúkúún ekkewe kél pwe kopwe weweiti weween. Iká ka weweiti weween och mettóch, iwe epwe mecheres óm kopwe chechchemeni. Meinisin kúkúún ach kewe kél kapachelong ekkewe original song me ekkewe kél fán iten semirit, ra kawor wóón jw.org. Fán ewe kinikin Library, ló ngeni Music.

• Makkeetiw kúkúún ekkewe kél. Ena epwe álisuk le fókkun chechchemeniir.—Tut. 17:18.

• Praktis fán léúwommóng. Álleanawu are ákkeáni ewe kél.

• Ppii úkúúkún óm chemeni. Sótun le chechchemeni ekkewe kúkúún nge kosap pwal nelong lón ewe puk, mwirin ppii iká mi pwúng met ka chemeni.