Káé pwe Kopwe Apwóróusa Ngeni Ekkewe Ekkóch

Lupwen sia káé Paipel, sia meefi péchékkúl. Nge epwe fen lapóló ach meefi péchékkúl iká sia apwóróusa ngeni ekkewe ekkóch met sia káé mi álisikich le ririéch ngeni Jiowa. Paipel a apasa: “Emén mi apéchékkúla ekkewe ekkóch epwe pwal meefi péchékkúl.”—SalF. 11:​25, NW.

Lupwen sia apwóróusa ngeni ekkewe ekkóch met sia káé, epwe ámecheresi ach sipwe chemeniir me alóllóólóló ach wewe. Me pokiten ekkena mettóch mi aúchea ra tongeni álisi ekkewe ekkóch, ina met a efisi ach sipwe pwapwa le apwóróusa ngeniir.—Féf. 20:35.

Sótuni ei: Lón en wiik, kútta alen óm kopwe apwóróusa ngeni emén met ka káé. Eli ka tongeni apwóróusa ngeni emén chón óm we famili, emén chón óm mwichefel, emén chienom chón angang, emén chienom chón sukul, emén chón órum, are emén ka chuuri atun óm afalafal. Sótuni le apwóróusa ngeniir lón óm kapas mi mecheres me fataffatéch.

Chemeni: Apwóróusa ngeni ekkewe ekkóch met ka káé pwe repwe péchékkúl ren, nge esap ren ar repwe ingeituk.—1 Kor. 8:1.