Köl 33 (72)

Pwapwaan me Uwaan Angang Ngeni ewe Muu

(Mattu 5:⁠12)

1. Lon ach angang ngeni Kot, Jiowa,

Sipwe chengel o pwapwa chapur,

Pun sa uweifeili kapas allim

Mi aururu letipen ekkoch.

Ussun chok met Jises a apasa:

Pwapwaan liffang mi kon lapalap.

Met epwe murinno seni ach ei,

Ewe enlet mi emmwen ngeni manau.

2. Ikaamwo ekkoch repwe esiita

Kich lupwen sa chuurir lon imwer,

Sisap ukutiu seni ach angang.

A pwarata tuppwol ngeni Kot.

O ika sipwe kuna riaffou

Fan asengesin iten Kot we,

Jises a era pwe sipwe pwapwa

Ussun chok noun Kot kewe soufos me lom.

3. Lon ach tapwelo mwirin nouch Masta,

Sipwe kuna pwapwa o chengel.

Pwarata ussun ranin Jiowa

Pwe chommong repwe alinga I!

Sipwe erenir mi letipeta

Ussun wesin tipis me malo.

Sipwe pwisin pwapwa o amwochu

Apilukulukun manau esemuch.