YEDDELO YA AKRISTU

Nunuwihe Ewodhelo Yehu Mmabasani a Olaleya​—Ttororihanivi Murima, “Kalanivi mu Okwelani mwa Mulugu”

EKALELANI YA MAKAMAKA: Attu anofuna osunza wedda mudila mwa Yehova vina asasanyedhe mirima dhawa wi amwebedhe Mulugu n’ekalelo enrumeliye. (Iza 2:3, 4) “Okwela wa Mulugu” nivuru nanawili nosunzana, ninawodhiha anamasunzaya otanalela magano anfuniwanina ofara labo na labo. (Aheb 5:14) Iyo nigasunzihaga efunelo yehu ja ottororiha murima wawa, wi ejuwene ewodheye enofuneya anamasunzaya ovilibihedha okosa matxinjo mwigumini mwawa.​—Rom 6:17.

NINAKOSE DHAVI:

• Voroma niziwe dhinimujombela namasunzaya, nigamala nivisasanyedhe deretu. Nikosegeni mavuzo aniwanana na nsunzona anamulogihe dhotedhene dhili mmirimani mwaye.​—Gano 20:5; be-T 259

• Nilabihedhe makasha ali munivurunimwa wi nimonihe namasunza yopurelamo ya weddana magano a Bibilia

• Nimukamihedhe namasunza owodha ottiyaniha yabure na yaderetu, mbwenye kanikalegeni ninga ninomudidelana okosa enfunihu bahi.​—Gal 6:5

• N’ofaseya wone akala namasunzaya onofuna nikamihedho n’olabihedha magano a Bibilia. N’ofewa murima kamuttukulele namasunza okosaga masadduwo aniwanana na omukwela waye Yehova.​—Gano 27:11; Jo 14:3

[Kasha vanikukuni 2]

Nivuru ntti “Okwela wa Mulugu” nisunziwe mpaka omagomo. Masiki akala namasunzaya onobatiziwa, kuttiye olebela wora dha nsunzona vina muttengo wa omwiyelela onkosiwe, mpaka ogomiha nivuruna notenene.