Nikamihedho na Opepesa

Mabasa a Aima

Amambali ahikana muttorho munddimuwa, wasunziha aniwa sabwa ya Yehova. (Ef. 6:4) Wi akamihedhe amambali, nikuru na Yehova nihikana manivuru menjene, jibo vina mavidiyu. Onalabihedhe dhavi dhipano esi wi washagihe anawo?

• Katamela dhipano dhetene dhinfwanyeya mu JW.ORG dhisasanyedheliwe azombwe, otaganyiha na mavidiyu na dhina dhinwodhani oleba.a Wi ofwanye esidha, kadhowa wapepese “Aima” obe “Azombwe” valebiwe opepesa.

• Osakule enamukamihedhe pama mwanawo. Mutxiddo mwa mutoma “Aima” osakule vidiyu, jibo obe nikuku ninubuweliwe wi ninele omukamihedha mwanawo. Wi ofwanye esidha, kapepesa “Projetos Para a Adoração em Família.”

• Otamele mudhidhi wa ologa dhilobo esi na anawo. Orabele omuttiya mwanawo wonaga mavidiyu na dhosunziha dhina na efunelo yovegana. Ottiya ejo kasunza na mwanawo vina kamukamihedhe olibiha mandano aye na Yehova.