Nunuwihe Ewodhelo Yehu Mmabasani a Olaleya​—Omwiyelela Mwanamurala

EKALELENI YAMAKAMAKA: Attu otene anfuna wiwa miselu dha Omwene antamela ebaribari ya Mulugu. (Iza 55:6) Wi nidhowevi banigasunziha, jofuneya wawiyelela wili-wili. Dha mwigumini s’ottiyana-ttiyana, muttu-muttu ohikaana dhozuzumiha dhaye; noona nittiyanihege masunziho ehu. Mohaganyedha, akala iyo ninovisasanyedha deretu vina niziwaga endowihu okosa vatakulu va muttu-muttu onimwiyelelihu, ninela oddiginya murima waye ofiyedha orumeela nsunzo na Bibilia.

NINAKOSE DHAVI:

• Muttu agarumela, kugonele omwiyelela, odhowewo agavira malabo mang’onovi.—Mt 13:19

• Okalege wologeyana vina oziwege wattittimiha attu. Kumaguveletxe ologa

• Ogafiya orome omulejela nekalelo y’omarho. Omukuwelege na nzina naye. Omubutxedhe yiyeleliwe—akala onfuna wakule nivuzo, peno odhowilena revista na mwerenne obo, peno onfuna omulagihe website wehu, peno onfuna omulagihe vidiyu, obe akala onfuna orome na iyene nsunzo na Bibilia. Mugalogaga, iyeneya alupamo mmakaninimwa, oziwe ompottotxelamo.—Fil 2:4

• Mutanalelege vamodha Maleboya, vina kudduwalege omuttiyedha revista; dhahene onela owodha ohelela manje beu yebaribari eli mmirimani mwaye. (1Kor 3:6) Okaanege ekalelo ya okala marho waye

• Ologe mazu anfuna wita makani a omwiyelelana mwanamuralaya dila yanawili