Watchtower BIBILIOTEKA ONLINE
Watchtower
BIBILIOTEKA ONLINE
Etxuwabo
  • BIBILIA
  • MANIVURU
  • MATUGUMANO
Manivuru a Etxuwabo (1987-2025)
Obudduwa
Ovolowa
Watchtower BIBILIOTEKA ONLINE
Watchtower
BIBILIOTEKA ONLINE
Moyoni.
Eji epano y'opepesana manivuru na dhilogelo dhottiyana ttiyana dhitapuleli Anamoona a Yehova.
Wi owodhe otomola manivuru, onokumbirhiwa odhowe mu jw.org.
Yovuwiha
Dhilogelo dhiswa dhilimo: Mbum
  • Ddabuno

Ddimingo, 27 na Julyu

Wi awodhe walibiha attu ena . . . vina watonyihedha dila abale anvonya.—Tito 1:9.

Wi okale Mukristu wowarala onofwanyela osunza ttotto ya ottidda mabasa. Okosa eji enele owukamihedha ozuzumela mabasa anakeliwe mmulogoni, vina enele owukamihedha ofwanya ganyo enawuwodhihe wasapela amudhawo vina okana mandano a pama na attu ena. Motagiha kasunza wengesa vina oleba. Bibilia onologa wi wengesa Nzu na Mulugu malabo otene vina otanalela, enomukamihedha mulobwana okana wagalala, vina dhinkosiye dhinosogora. (Masal. 1:​1-3) Omwengesa Bibilia malabo otene enele owukamihedha oziwa mukalelo onubuwela Yehova, ottiya ejo onelege wubuwela mofwanyelela-mwene, otanalela pama vina ovirihamo malago a mBibiliani. (Gano 1:​3, 4) Mmulogoni munofuniwa abali anziwa osunziha pama vina anvaha malago andela mBibiliani. Weyo ogaziwa wengesa vina oleba pama onele owodha osasanyedha diskursu dhapama vina ovaha dhowakula dhinalibihe nroromelo na abali. Enowodheya vina weyo okosa manota amakamaka anawukamihedhe olibiha nroromelo nawo vina wapangarhaza enna. w23.12 26-27 ddima 9-11

Malebo a Siku na Siku—2025

Txiposi, 28 na Julyu

Vowi muya wa Mulugu oli na nyuwo, onopitta muya wa Satana onaweddiha akadda elabo.—1 Jo. 4:4.

Ogattiddiwa wova katanalela ejile enakose Yehova musogorho, Satana agamala otolotxiwa. Nlagiho nimodha nitonyihedhiwe va porogaramani ya Kongeresu ya 2014, nihoniha mwazambo alogaga na anamudhi aye mukalelo ogasadduliwe mazu anfwanyeya va 2 Timóteo 3:​1-5 mparaizu: “Ziwa wi mwilaboni eswa munele okalamo wagalala. Vowi attu anelege okwelana muttu na mukwaye, anele ojiwa murima na mafumo omuyani, anele okala ovipimelela, oviyeviha, anerege omuttittimiha Mulugu, anele wawiwelelaga amambali awa, anele okala attu otamalela, oweddeyana, anatanalege amudhawa, awiwananeyana, anloga pama mudhidhi wotene na attu ena, anwodha ovyang’anela, anele okana attu okurumuwa, ankwela dhilobo dhapama, òkuluveleya, ofewa murima, ofwasa, animukwela Mulugu ottiya dhifunelo dhabure, aneddihiwa n’ekalelo ya omulabela mulugu nororomeleya; weyo tamelá wandana na attu aba.” Weyo onologa na amudhawo obe na abali a mmulogoni sabwa ya egumi enakanihu mwilaboni eswa? w24.01 6 ddima 13-14

Malebo a Siku na Siku—2025

Txipirhi, 29 na Julyu

Miyo ddinowurumela. —Lk. 3:22.

Enopangarhaza oziwa mazu a Masalmo 149:​4, “Nabuya [Yehova] onokwela nlogo naye.” Abali ena dila dhina anokukumuwa venjene, baroma ovivuza, ‘Koddi Yehova onoddonana ttima?’ Adhari enjene ororomeleya a Yehova otaganyiha na abale akalilewo nsaka na wale, mudhidhi mwina anwanana dhubuwelo ninga esi. (1 Sam. 1:​6-10; Job 29:​2, 4; Masal. 51:11) Bibilia onologa wi enowodheya attu ohiligana omwagalaliha Yehova vina orumeliwa na iyene. Enwodheya dhavi? Nigamuroromela Yezu Kristu vina nibatiziwa. (Jo. 3:16) Dhahene panwodhihu olagiha wi nihitxinuwa dhottega dhehu vina nihimpikirhela Yehova wi ninelege okosa efunelo yaye. (Mer. 2:38; 3:19) Nigattukula ttarho esi wi nimususele, ninomwagalaliha venjene Yehova. Mudhidhi ondowihu nivilibihedhaga wi nakwanihe ejile epikirhelihu, Yehova onele onirumela vina onakela ninga amarho aye ofiyedheya.—Masal. 25:14. w24.03 26 ddima 1-2

Malebo a Siku na Siku—2025
Moyoni.
Eji epano y'opepesana manivuru na dhilogelo dhottiyana ttiyana dhitapuleli Anamoona a Yehova.
Wi owodhe otomola manivuru, onokumbirhiwa odhowe mu jw.org.
  • Etxuwabo
  • Ovahedha
  • Dhosakula
  • Copyright © 2025 Watch Tower Bible and Tract Society of Pennsylvania
  • Nlamulo na Olabihedhana
  • Mukalelo wa Ovolowana
  • Privacy Settings
  • JW.ORG
  • Ovolowa
Ovahedha