Chili Kuyuka Chinene Kutunga ni Kululieka Yihela ya Uwayilo Wamwenemwene

Hakutunga tembele A-Izalele katambile kukalakala chinji ni kupwa ni mbongo jinji. Alioze, A-Izalele kakwashile ku mulimo wacho ni mbunge yeswe. (1 Sango 29:2-9; 2 Sango 6:7, 8) Muze Tembele te hiyahwa kutunga, A-Izalele te katamba kufunga kanawa tembele yacho mba asolole zango lio kuli Zambi. (2 Mia. 22:3-6; 2 Sango 28:24; 29:3) Ni musono, akwa-Kristu kakuzachisa mashimbu jo ni tachi jo hanga atunge ma Zuwo a Wanangana ni Mazuwo a Kukunguluka Chinene ni kununga kwapemesa ni kwafunga kanawa. Alioze, chili kuyuka chinene kukalakala ni Yehova mu mulimo wacho, uli mulimo usandu.—Samu 127:1; Uso. 7:15.

MUTUHASA KUKWASA HA . . .

• 

  Kukomba muze kukunguluka hichahwa. Nyi kutwahashile kukomba mutuhasa kutongwona yiswaswa haze unatwama.

• 

  Kukwasa shimbu lieswe muze anakombo ni kululieka Zuwo lia Wanangana. Moko anji kakukwasa mulimo wende kanawa ni kuwashiwisa.—lv 92-93 ¶18.

• 

  Kuhana ukwaso wa mbongo. Yehova kakwivwa kuwaha chipwe ngwe mutuhana ‘tu mbongo tukehe.’—Marku 12:41-44.

• 

  Kulihana hanga ukwase kutunga ni kululieka mazuwo a milimo ya Zambi ni muchilita kuli yena. Chipwe ngwe kutwanyingikine kutunga mazuwo mutuhasa kuya ni kukwasa.