MWONO WA AKWA-KRISTU
Akweze—Kanda Nulaluka Kunjila mu ‘Pito Linene’
Muchihasa kupwa chashi kunyonga ngwetu, matangwa a ukweze wetu kechi keza kahwa nawa ngwe kutuchi keza kamona “matangwa api” waze akwiza ku ushinakaji hano hashi ha Satana. (Chilu. 12:1) Nyi uchili mukweze, shina unanyingika ngwe, uli ni mashimbu anji a kufupa milimo ya ku spiritu ngwe kulinga mulimo wa shimbu lieswe?
‘Luyinda kakwiza kuli mutu mweswe susumuku’ chipwe kuli akweze. (Chilu. 9:11) “Kunwanyingikine chize muchipwa ha tangwa lia hamene.” (Tia 4:14) Kashika kanda ulengulula milimo ya ku spiritu. Njila mu “pito linene” lize liakusongwela ku milimo ya Zambi shimbu lichili lia washi. (1 Kori. 16:9) Kuuchi keza kevwa chinyengo.
Yimwe milimo ya ku spiritu:
Kwambujola mu limi lieka
Mulimo wa upionelu
Shikola ja Zambi
Mulimo wa Kutunga Mazuwo a Wanangana
Mulimo wa ku Mbetele
Mulimo wa kalayi wa mbonge