Internet—Ehuka Miheto Yize Yakusoloka ha Internet

MUMU LIAKA CHILI CHILEMU: Ngwe chikwata cheswacho, internet muyihasa kutukwasa hanji kutupiangula. Akwa-Kristu amwe keshi kuzachisa kwo internet. Akwa-Kristu akwo kakuzachisa internet hanga ahanjike ni asoko ni masepa jo. Alioze, Ndiapu kanazange tuzachise internet mu jila yipi, hanga tupihise jina lietu ni usepa wetu ni Yehova. Ngwe ­Yesu, mutuhasa kuzachisa shimbi ja mu Liji lia Zambi, hanga tunyingike ponde yize muyihasa kwiza ni kuyehuka.—Lu 4:4, 8, 12.

MIHETO YIZE TWATAMBA KWEHUKA:

• Kuzachisa chinji internet. Kupalikisa mashimbu anji ha internet hanji ha kutala yinema, muchihasa kumbata mashimbu eswe waze te mutuhasa kuzachisa hanga tulinge mulimo wa Yehova

  Shimbi ja mu Mbimbiliya: Efw 5:15, 16; Fwp 1:10

• Kutala yuma ya luchisa. Kutala yuma yaluchisa muchihasa kututwala hanga tutale pornografia hanji kulinga utanji. Kutanga sango ja yitanganyanyi muchihasa kupihisa ufulielo wetu

  Shimbi ja mu Mbimbiliya: Mat 5:28; Fwp 4:8

• Kusa sango jize kujalitele hanji foto ha internet. Amu mbunge kuyakwonga, mutu mahasa kusa sango jize kujalitele hanji foto ha internet. Kulinga yino, muchihasa kupihisa jina lia akwetu hanji kwaapiangula ku ufulielo

  Shimbi ja mu Mbimbiliya: Ro 14:13; Efw 4:29

TALENU CHINEMA CHAKWAMBA NGWO, KANYAMA-HA KUZACHISA INTERNENT, MBA NUTALE CHIZE MUNUHASA KWEHUKA MIHETO YINO: