Zambi Kakulihulumba Hali Yena
MBIMBILIYA yili yilemu chinji mumu yakutusongwela ku spiritu. Mbimbiliya hi mukanda ko wa uwukiso, alioze muyihasa kukukwasa kunyingika kanawa chize muhasa kukumba kapinda, manyonga api, chize wakulivwa ku mbunge, ha kupwa che cha mujimba ni yikola ya mu manyonga.
Chahiana ulemu, Mbimbiliya yakutwaha shindakenyo ngwo, Sakatanga wetu, Yehovaa Zambi kananyingika manyonga jetu kanawa kuhiana atu eswe. Iye kanazange chinji kutukwasa kukumba kapinda mweswawo mutupalika. Chakutalilaho, tutalenu yisoneko yaali ya mu Mbimbiliya yize yakutulembejeka:
“Yehova katwama hehi ni waze amakuka mbunge, kakulamwina waze ali ni spiritu ya kupihilila.”—SAMU 34:18.
“Mumu yami Yehova Zambi ye, ngunakukwata ku kwoko lie lia chindume; yami mwene ngunambe kuli yena ngwami, Kanda wivwa woma, mungukukwasa.”—IZAIA 41:13.
Kuchi Yehova akutukwasa kulihumikiza muze tuli ni yikola ya mu manyonga? Ngwe chize mumona ha mitwe muyihataho, Yehova kakusolola ngwo kakulihulumba hali yetu mu jila yipema.
a Yehova lili jina lia Zambi—Samu 83:18.