Kumbululo Lia Yihula Ya Mbimbiliya

Yika atu anashimbwila kulutwe lia matangwa?

Pundu lume atu manunga ni kulinga yuma yinji ya mana. Alioze kutala kama atu makeza kululieka hashi haze atu malizanga umwe ni mukwo nyi? Ka. musono, atu hano hashi kali akwa-kuzo ni chipululu. Chipwe chocho Zambi kali ni upale upema chinji hali atu.​—Tanga 2 Petulu 3:13.

Liji lia Zambi linambe hakutwala hashi haha haze atu makalizanga umwe ni mukwo. Atu makatwama kanawa kechi kevwe woma mumu hechikapwa yilianyi waze alinga upi.​—Tanga Mika 4:3, 4.

Kuchi kuzo makalichizaho?

Zambi chitangu kalingile mutu ni mbunge yize kuyishi kuzo. Mba muze iye ehukile shimbi ja Zambi, iye yecha kupwa mutu mungunu. Yetu twahingile kuzo kuli iye. Chipwe chocho, Zambi makazachisa Yesu hanga akapwise atu angunu.​—Tanga A-Roma 7:21, 24, 25.

Nikulita ni upale wa Zambi, kufwa cha Yesu ngwe chitapo chachijile shili yize mutu mutangu alingile. (A-Roma 5:19) Ha chino, Yesu yapwisa chashi hanga kulutwe lia matangwa atu akapwe ni utuswilo wa kuzo ni kulinga upi.​—Tanga Samu 37:9-11.