Shina Ufulielo we mu Yilakenyo ya Yehova uli Ukolo?

Yoshua ni Solomone kamwene chize yuma yeswe yize Yehova alakenyene yalingiwile. (Yoshu. 23:14; 1 Mia. 8:56) Ushindakenyo wa atu wano aali unakolesa nawa ufulielo wetu ha yilakenyo ya Zambi.—2 Kori. 13:1; Titu 1:2.

Kuchi Yehova amanunwine yilakenyo yenyi ha matangwa ja Yoshua? Hamwe ni usoko we talenu chiheho cha yizulie chakwamba ngwo, ‘Nichimwe Chuma Kuchahonene,’ mba nushimutwine yihula yino: (1) Kuchi muhasa kwimbulula ufulielo wa Rahape? (Hepre. 11:31; Tia. 2:24-26) (2) Kuchi chilweza cha Akane chinasolola ngwo kuhona kwononoka chakuneha luyinda? (3) Chipwe ngwe malunga a ku Ngibeone te tujita, mumu liaka ayo ongele Yoshua ni kulinga usendo ni Izalele? (4) Kuchi liji lia Yehova liamanunukine muze mianangana atano A-Amore apinjishile Izalele? (Yoshu. 10:5-14) (5) Kuchi Yehova akukukwasa muze wakusa Wanangana wenyi ni ululi wenyi kulutwe ku mwono we?—Mateu 6:33.

Muze mutupukuna ha yuma yeswe yize Yehova hanalingi, nawa analingi ni yize makalinga, ufulielo wetu ha yilakenyo yenyi muukola chinji.—Roma 8:31, 32.