MWONO WA AKWA-KRISTU
Kuwahisa Uhashi Wetu wa Kwambujola
Kuhanjika ni Atu Eswe mu Ngiza Yetu
MUMU LIAKA CHILI CHILEMU: Zekaria kaprofetezele ngwo, atu a ku minyachi yeswe ni malimi eswe te matayiza sango lipema. (Zek 8:23) Mba iya malongesa atu jacho? (Ro 10:13-15) Yetu tuli ni chiteli cha kwambulwila atu eswe sango lipema mu ngiza yetu.—od 84 ¶10-11.
CHIZE TWATAMBA KULINGA:
Kulilulieka. Yika mutuhasa kulinga nyi twawana atu waze akuhanjika limi lieka? Mutuhasa kuzachisa JW Language hanga tulilongese maliji atangu a kuputuka no, hanji kuzachisa telefone yetu hanga tumulweze chize mahasa kuwana sango jikwo mu limi lienyi ha jw.org
Pwako mukwa-kutalatala. Nyi mutwambujola ku zuwo ni zuwo kanda tulengulula uhashi weswawo muusoloka hanga tuhanjike ni atu waze anapalika hanji waze anamanyina mashinyi. Nyi unambujola ni matemba, lihulikile ha mulimo we wakwambujola kuli atu
Pwako chipalakata. Sako tachi hanga uhanjika ni atu waze keshi kupwa chinji ku zuwo. Likolweze hanga uhajika ni atu waze ali ku mazuwo, muhasa kuchilinga ha maola alisa ni ha matangwa alisa ha poso. Atu amwe mutuhasa kuhanjika no ha kwasonekena mukanda, kwatelefonala ni kwambulwila mu matapalo
• Kanda uhonga. Funa ni kumeneka waze atayizanga. Nyi mutu kakuhanjika limi lieka, fupa mutu yoze wajama hanga amukwase kunyigika sango lipema mu limi lienyi. Alioze nunga ni kumumeneka ndo muze muwana ndumbu yoze wakuhanjika limi lienyi.—od 94 ¶39-40
TALA CHINEMA CHAKWAMBA NGWO KWAMBUJOLA “NDO KUMASONGO A HASHI” MBA NUSHIMUTWINE YIHULA YILI MUSHI AMU:
Kuchi mandumbu anakalilulieka hanga ahase kuhanjika ni atu anji mu ngiza yize anakaya? (1Ko 9:22, 23)
Yipikalo yika anakapwa nayo?
Yiwape yika anakapwa nayo?
▸ Kalayi wa mulimo katamba kupwa ni ushindakenyo ngwo pundu ngiza yeswe kayikalakala. Makulwana anji a mu yikungulwila kakusakula tangwa limuwika ha kakweji hanga akwa-kwambujola aye ni kwambujola kuze kunafupiwa chinji akwa-kwambujola.