Zachisa Yinema Hanga Ulongese Alongi je a Mbimbiliya

Yizulie yakukwasa atu kunyingika kanawa yize analilongesa ni kuyiwuluka. Longeshi wetu Munene, Yehova, kapwile ni kuzachisa yizulie hanga alongese yikuma yilemu. (Upu 15:5; Jer 18:1-6) Ni Longeshi Munene, Yesu, neye che apwile ni kulinga. (Mat 18:2-6; 22:19-21) Yizulie yimwe yize yinatukwasa chinji ha miaka yino, yili yinema. Shina yena wakuzachisa kanawa yinema muze unalongesa longi we wa Mbimbiliya?

Kalulieka yinema kumi hanga yitukwase kulongesa malongeso ali ha kamukanda Sango Jipema ja Kuli Zambi! Hita mutwe wa chinema unalite ni yihula yize yili ha kamukanda kacho. Kamukanda kaze kali ha site yetu, kali ni link yize yinasolola mashimbu waze mutusolola hita chinema. Chikwo nawa, yinema yikwo yinalumbununa malongeso a mikanda yinji ya mu Mushete wa Yikwata ya Kulongesa Nayo.

Shina nunashimutwina chimwe chikuma cha Mbimbiliya chize chili ngwe chikalu kuli longi we? Nyi hanji longi we kanapalika mu yimwe yeseko? Yako ha site jw.org® ni JW Broadcasting® hanga ufupe yinema yize muyihasa kumukwasa. Nyi muchilita yena ni longi we munuhasa kutala chimwe chinema ni kuchishimutwina.

Hita kakweji, kwakupwa yinema yaha. Muze mutala yinema yacho, nyonga ha chize muhasa kuyizachisa muze mulongesa akwenu.